Námsúrræði

Námsúrræði sem atvinnuleitendum stendur til boða
Nám samhliða atvinnuleysisbótum

Námsmenn eru ekki tryggðir samkvæmt lögum um atvinnuleysistryggingar nr. 54/2006 nema þegar námið er hluti vinnumarkaðsaðgerða skv. ákvörðun Vinnumálastofnunar.

Atvinnuleitandi skal ávallt hafa samráð við ráðgjafa Vinnumálastofnunar um val á starfstengdu námi eftir að færni hans og staða hefur verið metin. Gerður skal tvíhliða námssamningur um slíkt vinnumarkaðsúrræði. 

Nám sem skilgreint er sem vinnumarkaðsúrræði að uppfylltum ákveðnum skilyrðum er eftirfarandi:

1. Nám sem haldið er samkvæmt námsskrá sem Fræðslumiðstöð atvinnulífsins hefur viðurkennt.
2. Nám sem haldið er á vegum fræðslustofnana atvinnulífsins
3. Önnur námskeið en þau sem talin eru í lið 1 og 2, og haldin eru á vegum Símenntunarmiðstöðva
4. Námskeið sem haldin eru á vegum Nýsköpunarmiðstöðvar Íslands
5. Námskeið/nám sem haldið er á vegum endurmenntunarstofnana á háskólastigi að hámarki 12 ECTS einingar á önn.
6. Nám á námsbrautum á framhaldsskólastigi sem leiða til framhaldsskólaprófs, grunnnám á verk- og starfsnámsbrautum á framhaldsskólastigi og frumgreinanám sem boðið er á forsendum fullorðinsfræðslu, það er námið og uppbygging þess tekur mið af og er sniðið að þörfum fólks sem hefur verið þátttakandi á vinnumarkaði
7. Námskeið á vegum endurhæfingarmiðstöðva
8. Önnur námskeið sem eru líkleg til að styrkja fólk á vinnumarkaði að mati ráðgjafa Vinnumálastofnunar

Sjálfstætt starfandi einstaklingur sem er samþykkur á bráðabirgðaákvæði 26. gr. laga nr. 54/2006 um breytingar á lögum um atvinnuleysistryggingar, á ekki rétt á námssamningi.

Atvinnuleitandi sem fellur undir bráðabirgðaákvæði um minnkað starfshlutfall sbr. 25. gr. laga nr. 54/2006 á rétt á námssamningi.

Námsúrræðinu er skipt upp í tvær gerðir af námssamningum; námssamning 1 og námssamning 2.
Lesa nánar um námssamning 1
Lesa nánar um námssamning 2