Afgreiðsla umsókna

Þegar umsókn hefur verið staðfest með undirritun á viðkomandi þjónustuskrifstofu og umbeðin gögn hafa borist er umsóknin send til Greiðslustofu til afgreiðslu. Umsóknir og gögn eru afgreidd í þeirri röð sem þau berast Greiðslustofu.
Afgreiðsla umsóknar getur tekið allt að 6 vikum.

Farið er yfir umsóknir og meðfylgjandi gögn og bótaréttur metinn. Ef ekki er óskað frekari upplýsinga eða gagna frá umsækjanda er umsókn afgreidd og hefst þá greiðsla atvinnuleysisbóta næstu mánaðarmót á eftir sé umsókn samþykkt.

Afgreiðslu frestað
Sé þörf á frekari upplýsingum og/eða gögnum er afgreiðslu umsóknar frestað  og umsækjanda sent bréf þess efnis. 
Afgreiðslu umsóknar getur verið frestað meðal annars ef:

• Gögn eða upplýsingar vantar, til dæmis vottorð vinnuveitanda, starfshæfnivottorð eða staðfestingu um námslok/námstímabil.
• Umsækjanda er boðið að koma með skýringar og andmæli við væntanlegri ákvörðun Vinnumálastofnunar t.d. ef um viðurlög eða biðtíma er að ræða.

Berist umbeðin gögn og/eða skýringar og andmæli ekki innan tilskilins frests er umsókn afgreidd á grundvelli fyrirliggjandi gagna.

Upplýsingar um stöðu umsóknar í afgreiðsluferli er hægt að nálgast á Mínum síðum undir Stöðu umsóknar.

Greiðslustofa Vinnumálastofnunar annast greiðslu atvinnuleysisbóta.