Atvinnuleysistryggingasjóður

E-301 vottorð

Ef einstaklingur ætlar í atvinnuleit í öðru EES-landi er hægt að fá vottað að hann hafi verið atvinnuleysistryggður á Íslandi.  Þetta er gert með því að sækja um E-301 vottorð með því að fylla út eyðublaðið E-301/N-301  og skila því til Vinnumálastofnunar/ Atvinnuleysistryggingasjóðs ásamt vottorðum frá þeim vinnuveitendum sem þú hefur verið hjá s.l. 3 ár Þetta er hægt hvort sem einstaklingur  á rétt á atvinnuleysisbótum hér á landi eða ekki. 

Ef starfað hefur verið í EES-landi er einnig ágætt að verða sér út um E-301 vottorð í því EES-landi sem starfað hefur verið fyrir heimkomu.

E-303 vottorð

Ef atvinnulaus einstaklingur ætlar í atvinnuleit til EES-lands getur hann að uppfylltum skilyrðum fengið heimild til að halda atvinnuleysisbótum sínum í allt að 3 mánuði meðan á atvinnuleitinni stendur og fengið þær greiddar í því landi sem hann ætlar að leita sér að vinnu. 

Umsóknareyðublað um E-303. fæst hjá Vinnumálastofnun/ Atvinnuleysistryggingasjóði, Hafnarhúsi v/Tryggvagötu, 150 Reykjavík, hér á vefnum eða hjá þjónustuskrifstofum Vinnumálastofnunar.