Atvinnuleysistryggingasjóður

Þann 26.mars síðastliðinn úthlutaði Árni Páll Árnason, félags- og tryggingamálaráðherra 30 milljónum í styrki til atvinnumála kvenna í Hugmyndahúsi háskólanna.   55 styrkhafar hlutu styrki að þessu sinni en umsóknir voru 308 og hafa aldrei verið fleiri.  Styrkir til atvinnumála kvenna hafa verið veittir frá árinu 1991 og á hverju ári hafa um 25 milljónum verið úthlutað.

Næsta mánaðarlega útborgun atvinnuleysistrygginga verður 31. mars þar sem fyrstu dagarnir í apríl eru páskafrídagar.

Vinnumálastofnun hefur samið við Íþrótta- og Ólympíusamband Íslands um að skipuleggja og stjórna sjálfboðaliðastarfi fyrir um 150 unga atvinnuleitendur . Samningurinn er hluti af átaki félags- og tryggingarmálaráðuneytisins og Vinnumálastofnunar í tengslum við átaksverkefnið Ungt fólk til athafna, sem miðar að því að koma á fót um 2.200 menntunar- og starfstengdum vinnumarkaðsúrræðum fyrir unga atvinnuleitendur á þessi ári.

Skráð atvinnuleysi í febrúar 2010 var 9,3% eða að meðaltali 15.026 manns og eykst atvinnuleysi um 2,2% að meðaltali frá janúar eða um 321 manns.  Á sama tíma á árinu 2009 var atvinnuleysi 8,2% eða 13.276 að meðaltali.

Stofnun atvinnumiðstöðvar í  Hafnarfirði er þróunarverkefni byggt á samstarfs- og þjónustusamningi milli Vinnumálastofnunar og Hafnarfjarðarbæjar með aðild Fulltrúaráðs verkalýðsfélaganna í Hafnarfirði. Atvinnumiðstöðin mun sinna svæðisbundinni vinnumiðlun, ráðgjöf og annarri þjónustu við atvinnuleitendur í Hafnarfirði.

Í dag greiddi Vinnumálastofnun rúmlega 2,1 milljarð króna í atvinnuleysistryggingar fyrir tímabilið 20. janúar til  19. febrúar. Greitt var til rúmlega 15.500 einstaklinga.

Heildarupphæð atvinnuleysistrygginga fyrir janúar 2010 nam 2.088.954.155 kr. og var þá greitt til 16.201 einstaklings.