Spurt og svarað - Atvinnuleysistryggingasjóður

Greiðslustofa algengar spurningar ( 3 )

1. Hvað eru atvinnuleysisbætur háar?

Grunnatvinnuleysisbætur eru 149.523 kr á mánuði (miðað við 100% bótarétt og 21,67 daga sem er meðalmánuður).
Grunnatvinnuleysisbætur eru 6.900 kr á dag fyrir 100% bótarétt.
Grunnatvinnuleysisbætur á dag fyrir minna en 100% bótarétt má sjá hér.
- Ef þú reiknast með 85% bótarétt þá færðu 5.865 kr á dag sem gera 127.095 kr á mánuði (miðað við 21,67 daga).
Hámarksfjárhæð tekjutengingar er 242.636 kr. á mánuði.
- Tekjutenging er reiknuð út frá 70% af meðalaunum á 6 mánaða tímabili sem hefst 2 mánuðum áður en þú sækir um atvinnuleysisbætur.
Greiðslur vegna barns er 276 kr. á dag eða 4% af grunnatvinnuleysisbótum.
- Greitt er með hverju barni sem er á framfæri umsækjanda upp að 18 ára aldri.
- Ef einstaklingur greiðir meðlag með barni þá fer greiðslan fyrir barn til Innheimtustofnunar sveitarfélaganna sem greiðsla upp í meðlagið.
Greiddar eru atvinnuleysisbætur fyrir alla daga nema laugardaga og sunnudaga.

2. Á ég rétt á tekjutengingu?

Umsækjandi um atvinnuleysisbætur getur fengið tekjutengingu einu sinni í upphafi bótatímabils (780 dagar) í allt að 3 mánuði.
Grunnatvinnuleysisbætur eru greiddar fyrstu 10 virku dagana og svo tekur tekjutengingin við í næstu 65 virka daga.
Hámarksfjárhæð tekjutengdra atvinnuleysisbóta í hverjum mánuði miðast við tryggingahlutfall hins tryggða en nema þó aldrei hærri fjárhæð en 242.636 á mánuði miðað við óskerta atvinnuleysistryggingu.
Tekjutengdar atvinnuleysisbætur launamanna nema 70% af meðaltali heildarlauna og er miðað við sex mánaða tímabil sem hefst tveimur mánuðum áður en umsækjandi varð atvinnulaus.
Tekjutengdar atvinnuleysisbætur sjálfstætt starfandi einstaklinga eru 70% af meðaltali heildarlauna og skal miða við tekjuárið á undan því ári sem umsækjandi varð atvinnulaus.
Sá sem sætir biðtíma eftir atvinnuleysisbótum á ekki rétt á tekjutengdum atvinnuleysisbótum.

3. Afhverju fæ ég ekki greitt?

Gleymdir þú að staðfesta atvinnuleit milli 20.-25.?
- Þeir sem staðfesta frá 26. - 3. næsta mánaðar fá greitt 5 virkum dögum eftir fyrstu útborgun.
- Þeir sem staðfesta eftir 3. dag mánaðar fá greitt næstu mánaðarmót á eftir.
Er búið að afgreiða umsóknina þína?
- Afgreiðsla umsókna getur tekið mismunandi langan tíma. Stundum vantar gögn og þá þarf að óska eftir þeim o.s.frv. og ef þau berast ekki fyrir 20. hvers mánaðar þá er ekki örugg að þú fáir greitt um mánaðarmótin þar á eftir.
Sóttir þú um innan greiðslutímabilsins sem er verið að greiða núna?
- Greiðslutímabil atvinnuleysisbóta er frá 20. hvers mánaðar til 19. næsta mánaðar.
Atvinnuleysisbætur eru alltaf greiddar út 1. virka dag mánaðarins.
- Ef 1. dagur mánaðarins er á laugardegi þá eru atvinnuleysisbæturnar greiddar út á mánudeginum þar á eftir.
Áttir þú ótekið orlof sem þú ráðstafaðir ekki?
- Orlof frá fyrra tímabili verður þú að klára áður en þú byrjar á atvinnuleysisbótum.
- Orlof sem þú hefur áunnið þér á nýju orlofstímabili getur þú ráðstafað á næsta orlofstímabili.
- Orlofstímabilið er frá 1. maí -15. september ár hvert. Orlofsdagar sem þú vinnur þér fyrir 1. maí á hverju ári á að nota á næsta orlofstímabili (sem hefst þá 1. maí).