Atvinnuleysistryggingasjóður

1.4. Þjónustuskrifstofur Vinnumálastofnunar 

Þjónustuskrifstofur Vinnumálastofnunar eru um allt land; Höfuðborgarsvæðinu, Vesturlandi, Vestfjörðum, Norðurlandi vestra og eystra, Austurlandi og Suðurlandi. Þjónustuskrifstofurnar annast skráningu atvinnulausra, reka vinnumiðlun og bjóða ráðgjöf við atvinnuleit.

EES - vinnumiðlun er fyrir þá sem hyggjast leita að starfi eða auglýsa starf á Evrópska efnahagssvæðinu. Hún er staðsett á Vinnumiðlun höfuðborgarsvæðisins en á öllum þjónustuskrifstofum starfar EURES-miðlari.
Atvinnuleitandi er bókaður í viðtal strax við fyrstu skráningu og ber að hafa regluleg samskipti við starfsmenn þjónustuskrifstofu skv. skipulagi.

Atvinnuleysistryggðir skulu tilkynna þjónustuskrifstofu um leið og þeir hafa fengið vinnu, vinnufærni skerðist af heilsufarsástæðum eða virkri atvinnuleit er hætt vegna náms, fæðingarorlofs eða af annarri ástæðu.

Á heimasíðu Vinnumálastofnunar, www.vinnumalastofnun.is, á hver þjónustuskrifstofa sitt svæði þar sem hægt er að nálgast upplýsingar um starfsemi skrifstofunnar og störf sem eru auglýst á viðkomandi svæði.