2.3. Hvernig á að sækja um?

Umsækjendur um atvinnuleysistryggingar geta fyllt út umsókn um atvinnu, vinnumarkaðsaðgerðir og atvinnuleysistryggingu rafrænt eða farið á þjónustuskrifstofu Vinnumálastofnunar á sínu svæði.

Ef sótt er um rafrænt hefur umsækjandi tvær vikur til að staðfesta umsókn sína með undirskrift á þjónustuskrifstofu Vinnumálastofnunar. Ef umsækjandi kemur síðar þá tekur umsóknin gildi frá þeim degi. Að öðru leyti tekur umsókn gildi frá skráningardegi

Þegar öll tilskilin gögn eru komin þá er umsóknin send til Greiðslustofu Vinnumálastofnunar til afgreiðslu.

Umsóknir og gögn eru afgreidd í þeirri röð sem þau berast Greiðslustofu.