Atvinnurekandi

Forsíða:

Atvinnurekandi

Vantar þig starfsfólk?

Styrkur til atvinnurekenda vegna ráðninga úr hópi atvinnuleitenda

Vinnumálastofnun beinir nú sérstaklega sjónum að einstaklingum sem hafa verið án vinnu lengur en 12 mánuði og erlendum atvinnuleitendum. Vinnumarkaðsúrræði er samstarf milli Vinnumála-stofnunar og fyrirtækja, sveitarfélaga, stofnana eða frjálsra félagasamtaka sem eiga þess kost að ráða atvinnuleitendur með stuðningi Atvinnuleysistryggingasjóðs.

Með Starfsþjálfunar- og reynsluráðningarsamningum fá fyrirtæki allt að 172.609 kr. á mánuði auk 8% framlags í lífeyrissjóð, í heildina 186.417 kr. í sex mánuði að hámarki.

Atvinnuleitendur búa yfir margvíslegri reynslu, þekkingu og hæfni og ættu flest fyrirtæki að geta fundið starfsmenn við hæfi.

Helstu skilyrði fyrir ráðningu einstaklings í vinnumarkaðsúrræði:

Fyrirtækið þarf að vera skráð og í öruggum rekstri.
Fyrirtækið hafi eins árs rekstur eða meira að baki.
Fyrirtækið hafi ekki sagt upp starfsmönnum síðustu mánuði.
Hjá fyrirtækinu starfi í það minnsta 3 starfsmenn í fullu starfi fyrir en starfsmenn á samning mega ekki vera hlutfallslega fleiri en 25% af heildarstarfsmannafjölda.

Frekari upplýsingar og umsóknareyðublöð:

http://www.vinnumalastofnun.is/atvinnurekandi/urraedi-og-ataksverkefni/vinnumarkadsurraedi/

Einnig er sjálfsagt að hafa samband við atvinnuráðgjafa Vinnumálastofnunar sem geta aðstoðað við ferlið og jafnvel sent ykkur nokkrar umsóknir samdægurs vinnumidlun@vmst.is / 515 4800

Vinnumiðlun og ráðningarþjónusta

Þjónustuskrifstofur Vinnumálastofnunar starfsrækja vinnumiðlun og hafa á skrá fjölda hæfra atvinnuleitenda með margs konar menntun og reynslu. Starfsmenn þjónustuskrifstofanna aðstoða við ráðningar, þeir leitast við að veita persónulega þjónustu sem er sniðin að óskum vinnuveitenda. Fyllstar trúnaðar er gætt.

Auglýsa eftir starfskrafti

Atvinnurekendur geta auglýst eftir starfskrafti hjá þjónustuskrifstofum Vinnumálastofnunar með því að fylla út rafrænt umsóknareyðublað sem er samdægurs skráð og uppfært til birtingar á heimasíðu Vinnumálastofnunar. Einnig getur ráðgjafi leitað eftir starfsmanni á atvinnuleysisskrá Vinnumálastofnunar í samráði við atvinnurekanda.

Vinnumálastofnun býður upp á ýmis vinnumarkaðsúrræði þar sem leitað er eftir fólki af atvinnuleysisskrá í tímabundin verkefni á vegum fyrirtækja, en þar er um að ræða starfstengd úrræði, atvinnutengd endurhæfing og ráðgjöf. Heimilt er að veita styrki úr Atvinnuleysistryggingasjóði vegna þáttöku þeirra sem tryggðir eru úr sjóðnum í vinnumarkaðsðagerðir sem nemur bótarétti þeirra. Þjónustuskrifstofur hafa einnig milligöngu vegna atvinnuleitenda af Evrópska efnahagssvæðinu.

Tengdar síður