Atvinnuleyfi og -réttindi útlendinga

Um atvinnuréttindi útlendinga gilda lög nr. 97/2002 sem tóku gildi 1. janúar 2003. Félagsmálaráðherra fer með yfirstjórn mála samkvæmt lögunum en Vinnumálastofnun fer með framkvæmd laganna í umboði ráðherra.

Eyðublöð má nálgast á vefsíðu VMST, á skrifstofum Vinnumálastofnunar og hjá Útlendingastofnun, Skógarhlíð 6.

Íslensk stjórnvöld hafa ákveðið að framlengja heimild er setur skorður á frjálsa för ríkisborgara frá Rúmeníu og Búlgaríu til atvinnuþátttöku hér á landi til ársins 2012. Atvinnuþátttaka þeirra á íslenskum vinnumarkaði verður því áfram háð dvalar- og atvinnuleyfum.

Tímabundnum atvinnuleyfum skipt upp í eftirtalda sex flokka:

• Tímabundið atvinnuleyfi vegna starfs sem krefst sérfræðiþekkingar (8.gr.) 
• Tímabundið atvinnuleyfi vegna skorts á vinnuafli (9.gr.)
• Tímabundið atvinnuleyfi fyrir íþróttafólk (10.gr.)
• Tímabundið atvinnuleyfi vegna sérstakra ástæðna (11.gr.)
• Tímabundið atvinnuleyfi á grundvelli fjölskyldusameiningar (12.gr.)
• Tímabundið atvinnuleyfi vegna náms (13.gr.)