Vinnumálastofnun

Skráð atvinnuleysi í febrúar 2010 var 9,3% eða að meðaltali 15.026 manns og eykst atvinnuleysi um 2,2% að meðaltali frá janúar eða um 321 manns.  Á sama tíma á árinu 2009 var atvinnuleysi 8,2% eða 13.276 að meðaltali.

Næsta mánaðarlega útborgun atvinnuleysistrygginga verður 31. mars þar sem fyrstu dagarnir í apríl eru páskafrídagar.

Vinnumálastofnun bárust 3 hópuppsagnir í febrúar 2010, þar sem sagt var upp 39 manns.  Um er að ræða fyrirtæki í mannvirkjagerð, og verslun.

Stofnun atvinnumiðstöðvar í  Hafnarfirði er þróunarverkefni byggt á samstarfs- og þjónustusamningi milli Vinnumálastofnunar og Hafnarfjarðarbæjar með aðild Fulltrúaráðs verkalýðsfélaganna í Hafnarfirði. Atvinnumiðstöðin mun sinna svæðisbundinni vinnumiðlun, ráðgjöf og annarri þjónustu við atvinnuleitendur í Hafnarfirði.

Í dag greiddi Vinnumálastofnun rúmlega 2,1 milljarð króna í atvinnuleysistryggingar fyrir tímabilið 20. janúar til  19. febrúar. Greitt var til rúmlega 15.500 einstaklinga.

Heildarupphæð atvinnuleysistrygginga fyrir janúar 2010 nam 2.088.954.155 kr. og var þá greitt til 16.201 einstaklings.

 Í keppni Íþróttasambands Íslands „Lífshlaupið 2010"  hlaut Vinnumálastofnun önnur verðlaun í hlutfalli daga(10,83) og þriðju verðlaun fyrir hlutfall mínútna (716,02)  í  hópi fyrirtækja 150-399 starfsmanna.

Næstkomandi föstudag 26. febrúar munu sérfræðingar Vinnumálastofnunar flytja fyrirlestra á vegum Rannsóknarstofu í vinnuvernd um atvinnuleysi og horfur á vinnumarkaði, og um markmið átaksins Ungt fólk til athafna.

Verkefnið Ungt fólk til athafna hefur fengið góðar viðtökur hjá ungmennum síðan skrifstofan opnaði á Suðurlandsbraut 22. Um 300 - 400 ungmenni hafa fengið kynningu á fjölmörgum úrræðum og þurfa þau í lok fundar/viðtals velja a.m.k. þrjú úrræði sem vekja áhuga þeirra.