Vinnumálastofnun

Starfsmenntaverðlaunin voru afhent í áttunda sinn föstudaginn 23. nóvember síðastliðinn. Forseti Íslands hr. Ólafur Ragnar Grímsson afhenti verðlaunin en þau hlutu: Icelandair ehf. í flokki fyrirtækja, Miðstöð símenntunar á Suðurnesjum flokki fræðsluaðila og Þórunn H. Sveinbjörnsdóttir í opnum flokki.

Erlent vinnuafl á Íslandi - þróun undanfarinna ára, nefnist fyrirlestur sem Lárus Blöndal, vinnumarkaðsfræðingur og deildarstjóri hjá Hagstofu Íslands heldur í boði Rannsóknastofu í vinnuvernd, föstudaginn 23. nóvember kl. 12.15 – 13.15. Fyrirlesturinn verður í Háskóla Íslands, Lögbergi stofu 201. 

Vinnumálastofnun vekur athygli á að félagsmálaráðherra auglýsir aukaúthlutun á Styrkjum til atvinnumála kvenna árið 2007. Styrkirnir eru ætlaðir konum sem eru með góða viðskiptahugmynd og stefna á að koma á fót sjálfstæðum atvinnurekstri.

Skráð atvinnuleysi í október 2007 var 0,8%, eða það sama og í september s.l. Að meðaltali voru 1.315 manns á atvinnuleysisskrá, sem er 21 færri en í september. Atvinnuleysi er um 20% minna en á sama tíma fyrir ári þegar það var 1,0%. 

Atvinnurekendur, stjórnendur, rannsakendur, stjórnmálamenn og áhugafólk um íslenskan vinnumarkað athugið!
Verkefnisstjórn 50+ efnir til fundaraðar um málefni miðaldra og eldra fólks á vinnumarkaði.  Síðasti fundurinn af þremur verður á Grand hótel, Háteigi (salur á 4. hæð) þann 15. nóvember n.k. kl. 8:30-10:00.

Ársfundur Vinnumálastofnunar verður haldinn föstudaginn 9. nóvember nk á Hótel Nordica, 2. hæð, og hefst kl. 13:00. 

Vinnuumhverfi á leikskólum: Orsakir álags á starfsmenn. Svo nefnist fyrirlestur sem Ágústa Guðmarsdóttir, MS í líf- og læknavísindum heldur í boði Rannsóknastofu í vinnuvernd föstudaginn 9. nóv nóv kl. 12.15.
Fyrirlesturinn verður Háskóla Íslands, Lögbergi stofu 201.  Fyrirlesturinn er ókeypis og opinn öllu áhugafólki um vinnuvernd.