Vinnumálastofnun

Hér má nálgast glærur með erindi sem Karl Sigurðsson hélt á vegum Rannsóknarstofnunar í vinnuvernd, um þróun og horfur á íslenskum vinnumarkaði, þar sem sjónum var einkum beint að þenslu síðustu ára og innflutningi erlends vinnuafls.

Staða á vinnumarkaði í janúarmánuði 2007
Skráð atvinnuleysi í janúar 2007 var 1,3% eða að meðaltali 1.977 manns sem eru 98 fleiri en í desember sl. og jókst um 5,2% milli mánaða. Atvinnuleysi er töluvert minna en á sama tíma fyrir ári þegar það var 1,6%, en ef litið er til janúar 2006 hefur fækkað um 466 í hópi atvinnulausra, eða um 19%.

Atvinnuleysi jókst aðallega á landsbyggðinni um 11%, en litlar breytingar voru á höfuðborgar­svæðinu. Mest jókst atvinnuleysi í mánuðinum á Norðurlandi vestra, Suðurlandi, Vesturlandi og á Suðurnesjum, en litlar breytingar urðu annars staðar.

Vinnumálastofnun og félagsmálaráðuneytið auglýsa styrki til atvinnumála kvenna.

Mánudaginn 12. febrúar, kl. 12-13, mun Anh-Dao Tran, menntunarráðgjafi og verkefnisstjóri Framtíðar í nýju landi halda fyrirlestur sem hún nefnir: Staða ungmenna af erlendum uppruna á íslenskum vinnumarkaði og hlutverk atvinnurekenda.

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu.  Til úthlutunar eru 55 milljónir.