Vinnumálastofnun Höfuðborgarsvæðinu

2. júní 2004

Forgangur launamanna frá nýjum aðildarríkjum ESB/EES til atvinnuleyfa

Samkvæmt viðauka B við aðildarsamning EES, er núverandi aðildarríkjum gert að veita launamönnum sem eru ríkisborgarar hinna nýju aðildarríkja sem gengu til liðs við Evrópusambandið og þar með evrópska efnahagssvæðið EES 1. maí sl. forgang fram yfir ríkisborgara þriðju ríkja að því er varðar aðgengi að vinnumarkaði sínum á því tímabili sem innlendum ráðstöfunum er beitt.

Í þessu felst að næstu tvö árin verður íslenskum fyrirtækjum bent á að umsóknir um heimild til að ráða til sín erlent vinnuafl frá nýju aðildarlöndunum fá forgang í afgreiðslu  hjá Vinnumálastofnun fram yfir t.d. umsóknir um vinnuafl frá Fillipseyjum eða Tailandi.

Þá er íslenskum fyrirtækjum er  óska innflutnings á vinnuafli frá nýju aðildarlöndunum jafnframt bent á að hafa samband við EES-vinnumiðlunina sem starfar á vegum Vinnumálastofnunar en hún er fyrirtækjum til ráðgjafar og þjónustu varðandi leit að starfsfólki á evrópska efnahagssvæðinu.