Vinnumálastofnun Höfuðborgarsvæðinu

Völundarverk - Reykjavík auglýsir er eftir þátttakendum í næsta verkefni sem hefst 22. febrúar nk. Þátttakendur munu sækja fjögurra vikna námskeið um viðhald og viðgerðir á gömlum húsum.  Bóklegur hluti þess er haldinn á Árbæjarsafni og verklegur hluti á verkstað.  Þátttakendur starfa síðan tímabundið (3-6 mánuði) við verkefni á vegum Reykjavíkurborgar.   Þátttakendur munu fá greidd taxtalaun vegna tímabundinnar ráðningar skv. kjarasamningum Reykjavíkurborgar og viðkomandi stéttarfélags þegar vinna hefst að loknu námskeiði.

Skilyrði fyrir þátttöku eru:

• Sveinspróf í húsasmíði
• Fullur réttur á bótum og námskeiðsstyrk hjá Vinnumálastofnun
• Áhugi á viðhaldi og viðgerðum á gömlum húsum
• Lögheimili í Reykjavík 

Nemar sem vantar 6 mánuði eða minna upp á að ljúka vinnustaðanámi geta einnig sótt um þátttöku.  

Með umsóknum skal fylgja

• Afrit af sveinsbréfi eða prófskírteinum
• Náms- og starfsferilsskrá þar sem tilgreind eru þau verkefni sem umsækjandi hefur unnið að við viðhald og viðgerðir gamalla húsa ásamt upplýsingum um fyrri vinnuveitendur sem hafa má samband við

Umsóknum skal skilað  til IÐUNNAR fræðsluseturs, Skúlatúni 2 eigi síðar en 1. febrúar 2010.  Umsóknareyðublöð fást þar og á heimasíðu Iðunnar www.idan.is

Völundarverk - Reykjavík er átaksverkefni sem felst í því að gefa atvinnuleitendum tækifæri til að handverk og verklag í tengslum við viðhald og viðgerðir á gömlum húsum í Reykjavík. Að verkefninu standa Reykjavíkurborg, Vinnumálastofnun, Iðan fræðslusetur, Húsfriðunarnefnd og Minjasafn Reykjavíkur.