Vinnumálastofnun Norðurlandi eystra

Vegna fyrirspurna um það hvernig greiðslum atvinnuleysistrygginga verður háttað í desember vill Greiðslustofa kynna eftirfarandi skipulag.

Þann 1. desember fer fram útborgun fyrir tímabilið 20. okt. – 19. nóv. 2009.

• Allir umsækjendur fá þá greitt sem eru með samþykkta umsókn og hafa staðfest sig á staðfestingartíma.
• Nýjar umsóknir sem hafa borist Greiðslustofu fyrir 16. nóv. verður leitast við að afgreiða og koma í greiðslur á tímabilinu 01. des – 07. des.
• Umsóknir sem hafa borist Greiðslustofu fyrir 19. nóv. verða afgreiddar og fara í greiðslu þann 11. desember.

Útborgun um áramót fer fram 31. desember og verður þá greitt fyrir tímabilið 20. nóv - 19. des.

Vakin er athygli á því að afgreiðsla umsóknar tekur að jafnaði 3 - 6 vikur frá því rafræn umsókn er skráð og þar til umsókn er endanlega komin til greiðslu. Lengd tímabilsins ræðst að nokkru leiti af því í hvaða tíma mánaðar umsókn er skráð. Að auki skal bent á að afgreiðsla umsóknar getur tekið lengri tíma þegar afla þarf frekari upplýsinga en þeirra sem fylgja umsókninni.