Ungt fólk til athafna!

Réttur til vinnu eða virkni

Félags- og tryggingamálaráðuneytið hefur falið Vinnumálastofnun að tryggja það markmið að enginn verði atvinnulaus lengur en þrjá mánuði án þess að bjóðast vinna eða virkniúrræði.

Þessu markmiði skal náð gagnvart fólki yngra en 25 ára fyrir 1. apríl 2010 og 1. september 2010 fyrir aðra.

Vinnumálastofnun mun ná settu markmiði í nánu samstarfi við stéttarfélög, fyrirtæki og sveitarfélög.

Fimm leiðir til framtíðar

Settar hafa verið upp 5 leiðir sem til samans er ætlað að mynda yfir 2.000 ný starfs- eða námstækifæri fyrir ungt fólk: 

1. allt að 450 ný námstækifæri í framhaldsskólum landsins fyrir ungt fólk án atvinnu
2. allt að 700 ný námstækifæri fyrir fólk án atvinnu til náms á vegum símenntunarstöðva
   og til aðfararnáms að frumgreinadeildum
3. allt að 450 ný starfsþjálfunarpláss og störf við átaksverkefni á vegum félagasamtaka,
   sveitarfélaga og annarra
4. allt að 400 ný sjálfboðastörf
5. allt að 400 ný pláss á vinnustofum ásamt endurhæfi ngar- og meðferðarúrræðum

Samstarfsaðilar óskast!

Til að hrinda verkefninu í framkvæmd óskar Vinnumálastofnun eftir:

• hugmyndum um átaksverkefni, sjálfboðastörf, menntunar- og meðferðarúrræði
• sjálfboðaliðum til að starfa með ungu atvinnulausu fólki
• starfsþjálfunarplássum fyrir unga atvinnuleitendur hjá fyrirtækjum og stofnunum

Sjá nánar auglýsingu um samstarfsaðila hér - í pdf.

Fyrirspurnir og ósk um nánari upplýsingar má senda á Hrafnhildi Tómasdóttur sem hefur yfirumsjón með verkefninu af hálfu Vinnumálastofnunar. Einnig er hægt að hafa samband í síma 512 4730 eða koma til okkar á þjónustuskrifstofuna Suðurlandsbraut 22.