Gera má ráð fyrir að á árinu 2006 hafi hátt í 11.000 erlendir ríkisborgarar komið til starfa á Íslandi, þó ekki séu þeir svo margir starfandi á hverjum tímapunkti, og að um 6.000 séu enn á vinnumarkaði sem voru hér starfandi á síðasta ári. Erlendir ríkisborgarar á íslenskum vinnumarkaði eru því að öllum líkindum nálægt 16.000 um þessar mundir þó erfitt sé að leggja mat á hver fjöldinn er nákvæmlega.

Mikil eftirspurn hefur verið eftir erlendu vinnuafli síðasta ár og er ljóst að sú eftirspurn mun að einhverju marki halda áfram fram á haust 2007. Framkvæmdir við uppbyggingu stóriðju og virkjana eru víða í hámarki nú í árslok 2006 eða í byrjun næsta árs. Fara mun að draga verulega úr mannaflaþörf vegna þeirra strax þegar kemur fram á fyrstu mánuði ársins 2007. Á hinn bóginn virðist almennt verða töluverð eftirspurn í þjóðfélaginu næsta árið.

Í nóvembermánuði síðastliðnum voru skráðir 38.457 atvinnuleysisdagar á landinu öllu sem jafngilda því að 1.749 manns hafi að meðaltali verið á atvinnuleysisskrá í mánuðinum. Þessar tölur jafngilda 1,1% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í nóvember 2006 er 159.726.

Hversvegna dregur úr sí- og endurmenntun fólks á vinnumarkaði eftir fimmtugt?
Er fólki mismunað innan fyrirtækja eftir aldri með tilliti til möguleika á sí- og endurmenntun?
Hvað ræður námsframboði símenntunaraðila? 
Tengist raunfærnimat stöðu miðaldra og eldra fólks á vinnumarkaði?

Síðustu ár hefur svokallað þjónustuávísanakerfi verið tekið upp í nokkrum ríkjum Evrópu í einhverri mynd, en kerfið er hannað í kringum nærþjónustu við einkaheimili. Í október síðast liðnum tóku fulltrúar frá Íslandi þátt í kynningar- og umræðufundi í Brussel um útfærslu slíkrar þjónustu og snérist fundurinn um kynningu Belga á þjónustuávísanakerfinu þar í landi.

Undanfarið hefur mikið verið rætt um fjölda útlendinga á íslenskum vinnumarkaði í fjölmiðlum og annars staðar í samfélaginu, í ljósi mikils streymis fólks til landsins samfara þeirri miklu þenslu sem verið hefur í íslensku efnahagslífi. Vinnumálastofnun reynir eðli máls samkvæmt að hafa yfirsýn yfir þann fjölda útlendinga sem kemur til starfa á Íslandi en það getur þó reynst þrautin þyngri þar sem ekki liggur fyrir á neinum einum stað talning á þeim sem til landsins koma eða bætast við á íslenskan vinnumarkað eða hverfa af vinnumarkaði. Vinnumálastofnun hefur þó með höndum eftirlit með og leyfisveitingu til hluta þeirra sem til landsins koma, þ.e. þeirra sem þurfa atvinnuleyfi, þeirra sem koma á vegum starfsmannaleiga og þeirra sem koma frá 8 nýjum ríkjum Evrópusambandsins.

Horfur innan ferðaþjónustunnar eru nokkuð góðar fyrir næsta sumar, samkvæmt könnun sem Vinnumálastofnun gerði meðal forsvarsmanna fyrirtækja í ferðaþjónustu í október.

Í októbermánuði síðastliðnum voru skráðir 36.180 atvinnuleysisdagar á landinu öllu sem jafngilda því að 1.645 manns hafi að meðaltali verið á atvinnuleysisskrá í mánuðinum. Þessar tölur jafngilda 1% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í október 2006 er 159.726.  Atvinnuleysi hefur ekki verið lægra síðan í október árið 2000.

Á fyrstu 4 mánuðum ársins 2006 voru gefin út samtals 2.350 ný atvinnuleyfi. Eru það um þrefalt fleiri ný leyfi en á sama tíma árið 2005. Um 64% þessara leyfa er vegna starfa í byggingariðnaði og að stærstum hluta er um að ræða leyfi vegna verkafólks og iðnaðarmanna. Fólk frá nýju ríkjum ESB er þarna í miklum meirihluta, einkum eru Pólverjar áberandi og eru karlmenn 85% þeirra sem fengið hafa ný atvinnuleyfi.

Eru vinnumiðlarar hlutlausir í ráðningarferlinu?
Líður þér vel á vinnustað sem er einsleitur í aldurssamsetningu?
Skiptir aldur máli þegar rætt er um vinnufyrirkomulag og líðan starfsmanna?
Eru aðilar vinnumarkaðarins að styrkja stöðu miðaldra fólks á vinnumarkaði?

Atvinnurekendur, stjórnendur, vinnumiðlarar, rannsakendur og áhugafólk um íslenskan vinnumarkað athugið!

Verkefnisstjórn 50 + efnir til fundaraðar um málefni miðaldra og eldra fólks á vinnumarkaði.  Annar fundur af þremur verður á Grand hótel, Hvammi þann 9. nóvember n.k. kl. 8:30-10:00.

Dr. Árelía Eydís Guðmundsdóttir, lektor í viðskipta- og hagfræðideild HÍ, heldur fyrirlestur í boði Rannsóknastofu í vinnuvernd mánudaginn 6. nóvember kl. 12.20 – 13.20 í stofu 102 í Lögbergi. Fyrirlesturinn nefnir hún: Er stjórnun hluti af vinnuvernd starfsmanna?

Í tilefni af degi náms- og starfsráðgjafar mun Félag náms- og starfsráðgjafa standa fyrir málþingi í Norræna Húsinu í Reykjavík þann 20. október kl. 13:00-17:00. Málþingið er öllum opið meðan húsrúm leyfir.

Kallar framtíðin á breyttar áherslur?
Skiptir aldurssamsetning á vinnustað máli?
Er æskudýrkun á þínum vinnustað?

Atvinnurekendur, stjórnendur, vinnumiðlarar, rannsakendur og áhugafólk um íslenskan vinnumarkað athugið!  Verkefnisstjórn 50 + efnir til fundaraðar um málefni miðaldra og eldra fólks á vinnumarkaði.  Fyrsti fundur af þremur verður á Grand hótel, Hvammi þann 17. október n.k. kl. 8:30-10:00

Ársfundur Vinnumálastofnunar var haldinn föstudaginn 13. október síðast liðinn. Fundurinn hófst á ávarpi Magnúsar Stefánssonar félagsmálaráðherra þar sem hann fjallaði m.a. um hvernig íslenskt samfélag væri undir það búið að taka við þeim mikla fjölda útlendinga sem hingað hafa flust á síðustu misserum. Nefndi hann sérstaklega að koma þyrfti íslenskukennslu fyrir útlendinga í betra horf. Einnig rakti hann þær víðtæku breytingar sem orðið hafa á þeim sviðum sem að starfsemi Vinnumálastofnun snúa á undanförnum misserum, hvað varðar lagaumhverfi, ný verkefni og breytingar á vinnumarkaði.

Verkefnisstjórn 50+ efnir til fundaraðar um málefni miðaldra og eldra fólks á vinnumarkaði.  Fyrsti fundur af þremur verður á Grand hótel, Hvammi þriðjudaginn 17. október n.k. kl. 8:30-10:00. Næstu fundir verða dagana 9. nóvember og 7. desember.

Í septembermánuði síðastliðnum voru skráðir 34.140 atvinnuleysisdagar á landinu öllu sem jafngilda því að 1.628 manns hafi að meðaltali verið á atvinnuleysisskrá í mánuðinum. Þessar tölur jafngilda 1% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í september 2006 er 161.383.

Hjálmar G. Sigmarsson, M.A. í mannfræði heldur hádegisfyrirlestur í boði Rannsóknastofu í vinnuvernd mánudaginn 9. október kl. 12.20 – 13.20. Fyrirlesturinn nefnist ,,Ég hef miklar áhyggjur af þessu". Mikilvægi vinnu fyrir sjálfsmyndarsköpun Íslendinga.

Óskað er eftir tilnefningum til starfsmenntaverðlaunanna 2006. Starfsmenntaverðlaun eru veitt þeim aðilum sem eru að vinna framúrskarandi  starf í starfsmenntun.

Síðast liðinn föstudag var haldin ráðstefna um íslenskan vinnumarkað í kjölfar stækkunar Evrópusambandsins. Innlendir og erlendir sérfræðingar fjöluðu um stöðuna út frá ýmsum sjónarhornum og var þarna safnað saman á einn stað áhugaverðum upplýsingum sem lúta að þróuninni á íslenskum vinnumarkaði síðustu misseri.

Rannsóknastofa í vinnuvernd (RIV) stendur fyrir fyrirlestrum á tveggja vikna fresti nú í vetur sem tengjast starfsumhverfi og vinnuvernd. Allir fyrirlestrarnir verða haldnir í Háskóla Íslands, Lögbergi, stofu 102, kl. 12.20-13.20.

Ráðstefna um íslenskan vinnumarkað í kjölfar stækkunar Evrópusambandsins verður haldin föstudaginn 29. september næst komandi á vegum EES-vinnumiðlunar í Sunnusal Hótel Sögu. Ráðstefnan er öllum opin og fer fram á ensku.

Þann 29. september næst komandi stendur EES vinnumiðlun (EURES) fyrir kynningu á atvinnu- og námstækifærum í Evrópu í Sunnusal Hótel Sögu. Kynningin stendur yfir frá kl. 13-16.

Gefin hefur verið út skýrsla um málefni erlendra ríkisborgara á íslenskum vinnumarkaði árið 2005. Skýrslan inniheldur einkum tölfræðilegar upplýsingar um útgáfu atvinnuleyfa, en einnig er gerð grein fyrir synjunum, breyttu verklagi og lagabreytingum. Þá er í skýrslunni fjallað nokkuð um fjölda erlendra ríkisborgara á íslenskum vinnumarkaði.

Í ágústmánuði síðastliðnum voru skráðir 44.848 atvinnuleysisdagar á landinu öllu sem jafngilda því að 1.948 manns hafi að meðaltali verið á atvinnuleysisskrá í mánuðinum. Þessar tölur jafngilda 1,2% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í ágúst 2006 er 161.383.

Í júlímánuði síðastliðnum voru skráðir 45.902 atvinnuleysisdagar á landinu öllu sem jafngilda því að 2.184 manns hafi að meðaltali verið á atvinnuleysisskrá í mánuðinum. Þessar tölur jafngilda 1,4% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í júlí 2006 er 161.383.

Í júnímánuði síðastliðnum voru skráðir 44.720 atvinnuleysisdagar á landinu öllu sem jafngilda því að 2.029 manns hafi að meðaltali verið á atvinnuleysisskrá í mánuðinum. Þessar tölur jafngilda 1,3% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í júní 2006 er 158.250.

Þann 1. júlí taka gildi ný lög um greiðslur til foreldra langveikra eða alvarlega fatlaðra barna. Þar er kveðið á um rétt foreldra sem eru launamenn eða sjálfstætt starfandi einstaklingar á innlendum vinnumarkaði til greiðslna er börn þeirra greinast með alvarlegan og langvinnan sjúkdóm eða alvarlega fötlun.

Þann 1. júlí taka gildi ný lög um atvinnuleysistryggingar og vinnumarkaðsaðgerðir. Samkvæmt nýju lögunum geta einstaklingar sótt um tekjutengdar atvinnuleysisbætur fyrstu þrjá mánuðina í atvinnuleysi sem munu nema 70% af heildarlaunum á ákveðnu viðmiðunartímabili, en þó aldrei hærri en 185.400 kr. á mánuði.

Í maímánuði síðastliðnum voru skráðir 47.418 atvinnuleysisdagar á landinu öllu sem jafngilda því að 2.062 manns hafi að meðaltali verið á atvinnuleysisskrá í mánuðinum. Þessar tölur jafngilda 1,3% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í maí 2006 er 158.250.

Félagsmálaráðherra hefur úthlutað styrkjum til atvinnumála kvenna fyrir árið 2006. Að þessu sinni hlutu 43 konur styrk og var alls úthlutað tæpum 25 milljónum króna. Ef tekið er mið af þeim umsóknum sem bárust, alls 180 talsins, má vera ljóst að aukinn áhugi er meðal kvenna á því að fara út í sjálfstæðan rekstur.

Í aprílmánuði síðastliðnum voru skráðir 42.226 atvinnuleysisdagar á landinu öllu sem jafngilda því að 2.112 manns hafi að meðaltali verið á atvinnuleysisskrá í mánuðinum. Þessar tölur jafngilda 1,3% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í apríl 2006 er 158.250.  

Ríkisborgurum Eistlands, Lettlands, Litháens, Póllands, Slóvakíu, Slóveníu, Tékklands og Ungverjalands er frá og með 1. maí sl. heimilt að koma hingað til lands í atvinnuleit og ráða sig til starfa hér á landi án sérstakra atvinnuleyfa, sbr. lög nr. 21/2006, um breytingu á lögum nr. 47/1993, um frjálsan atvinnu- og búseturétt launafólks innan Evópska efnahagssvæðisins, og lögum nr. 97/2002, um atvinnuréttindi útlendinga.

Í marsmánuði síðastliðnum voru skráðir 50.256 atvinnuleysisdagar á landinu öllu sem jafngilda því að 2.183 manns hafi að meðaltali verið á atvinnuleysisskrá í mánuðinum. Þessar tölur jafngilda 1,5% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í mars 2006 er 150.415.

Ríkisstjórnin samþykkti í morgun lagafrumvarp Jóns Kristjánssonar, félagsmálaráðherra, um að aflétt verði takmörkunum á innflutningi vinnuafls frá nýjum aðildarríkjum Evrópusambandsins frá og með 1. maí. Ríkisborgurum viðkomandi ríkja verður þar með heimilt að koma hingað í atvinnuleit og ráða sig í vinnu án atvinnuleyfis en vinnuveitendur verða að tilkynna um ráðningu til Vinnumálastofnunar.

Stjórn Vinnumálastofnunar hefur lagt fyrir félagsmálaráðherra skýrslu sem inniheldur upplýsingar um stöður og horfur á vinnumarkaði, yfirlit um vinnumarkaðsaðgerðir og starfsáherslur Vinnumálastofnunar fyrir árið 2006.

Starfsmenntaráð auglýsti í febrúar eftir umsóknum um styrki til starfsmenntunar í atvinnulífinu.  Ekki var að þessu sinni lögð áhersla á tiltekin verkefni eða málaflokka.

Í febrúarmánuði síðastliðnum voru skráðir 46.704 atvinnuleysisdagar á landinu öllu sem jafngilda því að 2.338 manns hafi að meðaltali verið á atvinnuleysisskrá í mánuðinum. Þessar tölur jafngilda 1,6% atvinnuleysi, en áætlaður mannafli á vinnumarkaði skv. áætlun Efnahagsskrifstofu fjármálaráðuneytis í febrúar 2006 er 150.415.

Atvinnuleysi í janúar 2006 var 1,6% að jafnaði og jókst aðeins lítið eitt frá því í desember þegar það var 1,5%. Í janúar fyrir ári síðan var atvinnuleysið 3%, eða nær helmingi meira en nú. Alls voru skráðir 53.682 atvinnuleysisdagar á landinu öllu sem jafngilda því að 2.443 manns hafi að meðaltali verið á atvinnuleysskrá í mánuðinum. Áætlaður mannafli á vinnumarkaði er 150.415 og reiknast atvinnuleysi því 1,6%.

Vinnumálastofnun og Félagsmálaráðuneyti auglýsa eftir umsóknum um styrki til atvinnumála kvenna fyrir árið 2006. Tilgangurinn með styrkveitingunni er að skapa ný atvinnutækifæri og auðvelda konum með góðar viðskiptahugmyndir að þróa þær og hrinda í framkvæmd.

Lög nr. 139/2005 um starfsmannaleigur tóku gildi um síðustu áramót. Með gildistöku þeirra tóku jafnframt gildi breytingar á lögum nr. 54/2001, um réttarstöðu starfsmanna sem starfa tímabundið á Íslandi á vegum erlendra fyrirtækja, og lögum nr. 97/2002, um atvinnuréttindi útlendinga.   Lög nr. 54/2001 heita nú:  Lög um starfskjör starfsmanna sem starfa tímabundið á Íslandi á vegum erlendra fyrirtækja. Þá er skv. 54/2001 óheimilt að reikna sem hluta af lágmarkslaunum greiðslur vegna ferðakostnaðar, gistingar og uppihalds.

Vinnumálastofnun ásamt fulltrúum Alþýðusambands Íslands og Samtaka atvinnulífsins boða til blaðamannafundar kl. 14:30 í dag, þriðjudaginn 31. janúar

Mikil eftirspurn hefur verið eftir erlendu vinnuafli síðasta ár og er ljóst að sú eftirspurn mun verða viðvarandi að minnsta kost fram á haust 2006. Framkvæmdir við uppbyggingu stóriðju og virkjana eru að ná hámarki á árinu 2006. Fara mun að draga verulega úr mannaflaþörf vegna þeirra strax á síðasta ársfjórðungi 2006 og mun hún minnka ört á árinu 2007.

Í desembermánuði síðastliðnum voru skráðir 50.843 atvinnuleysisdagar á landinu öllu sem jafngilda því að 2.317 manns hafi að meðaltali verið á atvinnuleysisskrá í mánuðinum. Þessar tölur jafngilda 1,5% atvinnuleysi, en áætlaður mannafil á vinnumarkaði í desember var áætlaður 152.120 manns.

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu.  Til úthlutunar eru 55 milljónir.