Fréttir vinnumálastofnunar

Skráð atvinnuleysi í nóvember 2009 var 8% eða að meðaltali 13.357 manns og eykst atvinnuleysi um 5,3% að meðaltali frá október eða um 675 manns.  Á sama tíma á árinu 2008 var atvinnuleysi 3,3% eða 5.445 manns.

 

Sjá nánar skýrslu um stöðu á vinnumarkaði í nóvember 2009.

 

 

Verkefnisstjórn 50+ skipuð af félagsmálaráðherra til 5 ára árið 2005 lauk formlega störfum í dag. Verkefnisstjórnin var skipuð fulltrúum ykkar stofnana/samtaka. Verkefnisstjórnin hefur haldið úti vefsíðu http://50.felagsmalaraduneyti.is og mun henni verða viðhaldið þó svo starfi verkefnisstjórnarinnar sé nú lokið.

Starfsmenntaverðlaunin voru afhent í tíunda sinn föstudaginn 27. nóvember síðastliðinn.

Vinnumálastofnun bárust 3 hópuppsagnir í nóvembermánuði, þar sem sagt var upp 118 manns.  Um er að ræða fyrirtæki í mannvirkjagerð og framleiðsluiðnaði og er ástæðan m.a. endurskipulagning vegna verkefnaskorts og rekstrarerfiðleikar.

Sjá nánar hér

Vinnuhópur sem settur var á fót í september til að fjalla um aðgerðir til að stuðla að virkni atvinnulausra hefur skilað tillögum sínum. Félags- og tryggingamálaráðherra og mennta- og menningarmálaráðherra stofnuðu vinnuhópinn og fólu honum að fjalla um þau úrræði sem standa til boða fólki sem misst hefur atvinnu sína, kanna námsmöguleika þess og gera tillögur um úrbætur.

Á vegum Rannsóknarstofu í vinnuvernd verður hádegisfyrirlestur í dag 20. nóvember. Þar greina Helena Jónsdóttir, Cand. Psych. nemi í sálfræði og Guðbjörg Linda Rafnsdóttir, prófessor í félagsfræði frá hluta af niðurstöðum rannsóknar á heilsu og líðan starfsmanna fjármálafyrirtækja sem misst hafa vinnu í kjölfar efnahagsþrenginga.

Skráð atvinnuleysi í október 2009 var 7,6% eða að meðaltali 12.682 manns og eykst atvinnuleysi um 4,4% að meðaltali frá september eða um 537 manns. Á sama tíma á árinu 2008 var atvinnuleysi 1,9%, eða 3.106 manns. Sjá nánar skýrslu um stöðu á vinnumarkaði í október 2009.

Í vikunni var undirritaður samningur milli Vinnumálastofnunar, IÐUNNAR fræðsluseturs og Fræðslumiðstöðvar atvinnulífsins um náms- og starfsráðgjöf fyrir atvinnuleitendur.  Náms- og starfsráðgjafar IÐUNNAR fræðsluseturs munu með þessum samningi hvetja iðnaðarmenn í atvinnuleit, sem tryggðir eru innan atvinnuleysistryggingakerfisins, til virkni.

Niðurstöður úr rannsókn Félagsvísindastofnunar og Fjölmenningarseturs sem var unnin 2008 og 2009 liggur nú fyrir. Ekki er hægt að alhæfa um innflytjendur á landsvísu út frá niðurstöðunum, en rannsóknin gefur mikilvæga sýn inn í líf og reynslu innflytjenda á Íslandi. Draga má þá ályktun af lestri skýrslunnar að reynsla  innflytjenda og þekkingu hefur ekki nýst okkur sem skyldi. Um helmingur hefur í raun ekki fengið vinnu við sitt hæfi þ.e.a.s. menntun þeirra nýtist ekki að fullu í störfum á Íslandi. Mikil ónýtt þekking og reynsla býr því með þessum hópi og innflytjendur á íslandi því ekki síður mikilvægur mannauður á tímum kreppu en á þenslutímum.

 

Norræn ráðstefna -  Virkjum fjölbreyttari mannauð - verður haldin dagana 9.-10. nóvember nk. á Hótel Nordica. Frítt er á ráðstefnuna og fer skráning fram á yourhost.is/arbejdetilalle2009. Ráðstefnan fer fram á ensku.

 

Vinnumálastofnun stóð fyrir alþjóðlegri ráðstefnu um samþættingu atvinnu og einkalífs í byrjun síðasta mánaðar þar sem  fjallað var um niðurstöður fjölþjóðlegrar rannsóknar sem Vinnumálastofnun var aðili að. Rannsóknin fjallaði um stöðu fyrirtækja í tilliti til samþættingar atvinnu og einkalífs og hugsanlegt hlutverk hins opinbera í því ferli.

Það sem kom í ljós varðandi íslenskan vinnumarkað er að samþætting atvinnu og einkalífs virðist vera mjög óformleg, þrátt fyrir að kveðið sé á um það í lögum að í jafnréttisáætlunum skuli fjallað sérstaklega um samþættingu atvinnu og einkalífs og úrræði séu sett fram með formlegum hætti. Úrræði til handa starfsfólki virðast vera einstaklingsbundin sem  kann að koma sumum vel en öðrum illa, sérstaklega þeim  sem kunna að standa höllum fæti á vinumarkaði eða innan einstakra fyrirtækja.

 

Á  miðvikudag var undirritaður samningur milli Vinnumálastofnunar, KVASIS, samtaka fræðslu- og símenntunarmiðstöðva og Fræðslumiðstöðvar atvinnulífsins um náms- og starfsráðgjöf fyrir atvinnuleitendur.  Á vegum fræðslu- og símenntunarmiðstöðva starfa náms- og starfsráðgjafar, sem munu með þessum samningi  taka þátt í að ná til atvinnuleitenda  sem tryggðir eru innan atvinnuleysistryggingakerfisins og hvetja þá til virkni.

Ársfundur Vinnumálastofnunar verður haldinn á Hótel Hilton Nordica, 2. hæð, föstudaginn 30. október nk. kl. 13-15.

Debbie Brewin frá Oxford Cognitive Therapy Centre (OCTC) mun flytja hádegisfyrirlestur föstudaginn 23.október kl.12-13. Hann er á vegum Félags um hugræna atferlismeðferð, Vinnumálastofnunar og Oxford Cognitive Therapy Centre og einkum ætlaður þeim, sem vinna að mótun stefnu og annast ráðgjöf einstaklinga og fjölskyldna, sem orðið hafa atvinnulausar í kreppunni. Fyrirlesturinn er einnig ætlaður þeim, sem takast á við afleiðingar efnahagskreppu og atvinnuleysis á Íslandi.

Hvernig er hægt að hlúa að þjóðinni á krepputímum og hvers konar gildi og viðhorf viljum við að ríki í samfélaginu? Leitað verður svara við þessum og öðrum spurningum á ráðstefnunni Velferð á tímum efnahagsþrengingasem haldin verður á Hótel Sögu miðvikudaginn 21. október, kl. 9-16:15. Markmiðið er að miðla þekkingu á því hvernig draga megi úr áhrifum kreppunnar og laða fram nýjar og skapandi lausnir fyrir samfélagið.

Skráð atvinnuleysi í september 2009 var 7,2% eða að meðaltali 12.145 manns og minnkar atvinnuleysi um 9,3% að meðaltali frá ágúst eða um 1.242 manns. Á sama tíma á árinu 2008 var atvinnuleysi 1,3%, eða 2.229 mannsþ

Starfsmenntaráð óskar eftir tilnefningum/umsóknum um Starfsmenntaverðlaunin 2009. Starfsmenntaverðlaunin eru veitt þeim sem vinna framúrskarandi starf í fræðslumálum og starfsmenntun. Sjá nánar meðfylgjandi auglýsingu.

Vinnumálastofnun bárust 4 hópuppsagnir í septembermánuði þar sem sagt var upp 87 manns.  Um er að ræða fyrirtæki í mannvirkjagerð, upplýsinga – og útgáfustarfsemi og flutningum og er ástæðan rekstrarerfiðleikar og endurskipulagning.

Á morgun, laugardaginn 25. september  verður fyrsti hádegisfyrirlesturinn á vegum Rannsóknarstofu í vinnuvernd á þessu haustmisseri. Bolli Þórsson, læknir hjá Hjartavernd og sérfræðingur í innkirtlasjúkdómum mun halda fyrirlestur  um tengsl vinnu og hjartasjúkdóma.

 

Frá og með næstu mánaðarmótum verða greiðsluseðlar atvinnuleysisbóta ekki sendir út með pósti á pappírsformi, heldur aðeins birtir rafrænt á heimasvæði einstaklinga á umsóknarvef Vinnumálastofnunar og hjá Tryggingastofnun á www.tryggur.is, undir Rafrænar greiðslur.

Skráð atvinnuleysi í ágúst 2009 var 7,7% eða að meðaltali 13.387 manns og minnkar atvinnuleysi um 2,7% að meðaltali frá júlí eða um 369 manns. Á sama tíma á árinu 2008 var atvinnuleysi 1,2%, eða 2.136 manns.

Vinnumálastofnun bárust 3 hópuppsagnir í ágústmánuði þar sem sagt var upp samtals 50 manns. Um er að ræða fyrirtæki í byggingariðnaði eða skyldri starfsemi og er ástæðan fyrirsjáanlegur verkefnaskortur og að verkefnum er að ljúka á næstu vikum.

Vinnumálastofnun vekur athygli á að atvinnuleitendum er ekki heimilt að stunda nám samhliða töku atvinnuleysisbóta nema mat ráðgjafa  Vinnumálastofnunar liggi fyrir um að heimila slíkt og gerður hafi verið sérstakur námssamningur þar um.

Atvinnuleysi í júlímánuði mældist 8% og er útlistað nánar í skýrslu um stöðu á vinnumarkaði í júlí. Þetta jafngildir því að 13.756 manns hafi að jafnaði verið atvinnulausir í júlí. Atvinnuleysi minnkar því um 2,4% frá júní eða um 335 manns. Á sama tíma á árinu 2008 var atvinnuleysi 1,1%, eða 1.968 manns.

Í júlí bárust Vinnumálastofnun 6 hópuppsagnir þar sem sagt var upp samtals 110 manns. Uppsagnirnar koma úr ýmsum greinum, tvær úr byggingariðnaði samtals 28% uppsagnanna, og svo úr fiskvinnslu, verslunargeiranum, iðnaðarstarfsemi og ferðaþjónustu.

 

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu.  Til úthlutunar eru um 30 milljónir króna.  Eingöngu er tekið við umsóknum á rafrænu formi.

Starfsmenntaráð hvetur umsækjendur til að sækja um verkefni sem falla undir eftirfarandi áherslur:

Verkefni sem tengjast erfiðri stöðu á vinnumarkaði. 
Gæðaverkefni sem nýtast þeim hópum sem misst hafa atvinnu eða eru í sérstakri áhættu með að missa vinnuna.

Gerð er krafa um samstarf við samtök atvinnurekenda og launafólks við gerð og framkvæmd verkefnisins. 

Skráð atvinnuleysi í júní 2009 var 8,1% eða að meðaltali 14.091 manns og minnkar atvinnuleysi um 3,5% að meðaltali frá maí eða um 504 manns.  Á sama tíma á árinu 2008 var atvinnuleysi 1,1% eða 1.842 manns.              Sjá nánar

Í júní bárust Vinnumálastofnun 4 hópuppsagnir þar sem sagt var upp samtals um 360 manns. Þar af var yfir 270 manns sagt upp hjá einu stóru verktakafyrirtæki í byggingariðnaði og koma þær uppsagnir til framkvæmda á tímabilinu ágúst til nóvember. Af þeim fjölda eru þó yfir 70 manns sem aðeins voru með tímabundna ráðningu og nokkrir í viðbót voru á uppsagnarfresti.

Skráð atvinnuleysi í maí 2009 var 8,7% eða að meðaltali 14.595 manns og minnkar atvinnuleysi um 1,5% að meðaltali frá apríl eða um 219 manns. Á sama tíma á árinu 2008 var atvinnuleysi 1%, eða 1.739 manns.

Vinnustaðaeftirlit

Í eftirlitsferð stéttarfélaganna og Vinnumálastofnunar í  gær 4. júní var komið við í húsi sem verið er að breyta við Hverfisgötu. Þegar vinnueftirlitsmenn komu á staðinn brá  svo við að tveir starfsmenn lögðu á flótta og sást til þeirra á Arnarhóli stuttu síðar. Þegar eftirlitsmenn ætluðu að hafa tal af þeim þar tóku þeir á sprett og hurfu sjónum. Í ljós kom að mennirnir hafa verið á atvinnuleysisbótum og mun Vinnumálastofnun í framhaldinu kanna hvort þeir hafi verið í vinnu á sama tíma.

Í venjubundnu eftirliti sem nokkur stéttarfélög ásamt Vinnumálastofnun hafa framkvæmt  undanfarin ár hefur aðaláhersla verið lögð á eftirlit með erlendum starfsmönnum sem hafa starfa hér á landi, að þeir hafi atvinnuleyfi og starfi hér löglega. Að undanförnu með tilliti til breyttra aðstæðna hefur eftirlitið þróast og breyst yfir í það að vera meira eftirlit með því hvort starfsmenn séu að greiða lögbundin gjöld og launatengd. Þá hefur verið athugað hvort starfsmenn séu á atvinnuleysisbótum og í vinnu á sama tíma.

 

Tekin hefur verið saman skýrsla um þátttöku atvinnuleitenda í vinnumarkaðsúrræðum í aprílmánuði 2009. Alls tóku 1.740 manns þátt í úrræðum af einhverju tagi í aprílmánuði, þar af voru 622 á náms-samningi. Námssamningar voru  gerðir að mestu leyti í janúar og gilda yfirleitt til maíloka, að auki voru 143 í annarskonar námsúrræðum. 

Aðeins ein hópuppsögn barst Vinnumálastofnun í maí þar sem tilkynnt var um uppsagnir 17-20 einstaklinga frá fyrirtæki með um 30-40 starfsmenn. Um er að ræða fyrirtæki úr iðnaði og er fyrirsjáanlegur verkefnaskortur á haustmánuðum ástæða uppsagnanna.

Skráð atvinnuleysi í apríl 2009 var 9,1% og jókst úr 8,9% í mars, eða um 1,8%. Að meðaltali voru 14.814 manns atvinnulausir í apríl eða 268 fleiri að jafnaði en í mars. Á sama tíma á árinu 2008 var atvinnuleysi 1%, eða 1.717 manns að jafnaði.

Hér er lýst því ferli sem gildir fyrir námsmenn sem hafa ekki fengið sumarvinnu og hyggjast sækja um atvinnuleysisbætur.

Lög um skráningu á erlendu vinnuafli frá nýju ríkjum ESB féllu úr gildi  1. maí s.l. Atvinnurekendum sem ráða til sín ríkisborgara frá frá þessum ríkjum, þ.e. Eistlandi, Lettlandi, Litháen, Póllandi, Slóvakíu, Slóveníu, Tékklandi og Ungverjalandi, ber því ekki lengur að tilkynna um ráðninguna til Vinnumálastofnunar.

Í apríl bárust Vinnumálastofnun 6 tilkynningar um hópuppsagnir þar sem sagt var upp samtals 283 einstaklingum. Tvær tilkynningar voru úr mannvirkjagerð, ein tilkynning úr flutningastarfsemi, ein tilkynning úr sérfræðiþjónustu, ein tilkynning úr iðnaði og ein tilkynning úr ýmissi þjónustu.

Umhverfisvænar byggingareiningar, táknmálsvefur, rjómabú, baðhús í Stykkishólmi, þaraböð á Reykhólum, örlitameðferð til að bæta útlit eftir veikindi eða slys og hólkar úr bylgjupappír sem nota má sem skilrúm eru á meðal þeirra viðskiptahugmynda sem fá úthlutað úr sjóði félags- og tryggingamálaráðuneytis til atvinnumála kvenna að þessu sinni.

Vinnumálastofnun hefur borist listi yfir störf sem standa Íslendingum til boða í Kanada. Listann og aðrar hagnýtar upplýsingar um atvinnuleit í Kanada er hægt að finna með því að velja tenglinn „Atvinna í Kanada“ hægra megin á síðunni. Ath. umsækjendur eru beðnir að koma með ferilskrá á ensku og þýdd prófskírteini á skrifstofu Vinnumálastofnunar, Borgartúni 7.

Skráð atvinnuleysi í mars 2009 var 8,9% eða að meðaltali 14.546 manns og eykst atvinnuleysi um 9,6% að meðaltali frá febrúar eða um 1.270 manns. Á sama tíma á árinu 2008 var atvinnuleysi 1%, eða 1.674 manns.

Húsfyllir var á námsstefnu um vinnumarkaðsúrræði sem haldin var í dag á vegum félags- og tryggingamálaráðuneytisins og Reykjavíkurborgar þar sem mættu hátt í 200 manns. Námsstefnunni var sjónvarpað beint á Netinu og er upptaka aðgengileg á vef ráðuneytisins, ásamt glærum fyrirlesaranna.

Í mars bárust Vinnumálastofnun 7 tilkynningar um hópuppsagnir þar sem sagt var upp samtals 357 einstaklingum.

Félagsmálaráðherra úthlutaði styrkjum úr starfsmenntasjóði félagsmálaráðuneytisins vegna ársins 2009 sl. föstudag.  Athöfnin fór fram í húsakynnum IÐUNNAR fræðsluseturs. 

Fjölmenni var á fundi sem haldinn var af Vinnumálastofnun og Kanadíska sendiráðinu um atvinnutækifæri í Manitoba í Kanada á föstudaginn var. Kynntar voru upplýsingar um helstu atvinnutækifæri og hvernig fólk á að snúa sér hafi það áhuga á að leita fyrir sér um störf í Manitoba. Upptöku frá fundinum má nálgast á þessari slóð: http://sjonvarp.khi.is/ 

Skráð atvinnuleysi í febrúar 2009 var 8,2% eða að meðaltali 13.276 manns og eykst atvinnuleysi um 27% að meðaltali frá janúar eða um 2.820 manns. Á sama tíma á árinu 2008 var atvinnuleysi 1%, eða 1.631 manns. 

Fundur um atvinnutækifæri í Kanada, með áherslu á Manitoba fylki, verður haldinn í fundarsalnum Skriðu, Háskóla Íslands, Stakkahlíð (gamli Kennaraháskólinn), föstudaginn 13. mars, 2009 frá kl. 15–17.

Föstudaginn 6. mars næstkomandi efnir Fræðslumiðstöð atvinnulífsins til viðburðar undir yfirskriftinni: „Menntatorg“, en líkt og nafnið bendir til snýst viðburðurinn um menntun og fræðslu, sérstaklega þau úrræði sem atvinnulausum bjóðast til að auka við menntun sína og færni á tilteknum sviðum.  

Engar hópuppsagnir voru tilkynntar Vinnumálastofnun í febrúar. Því eru upplýsingar um hve margar hópuppsagnir koma til framkvæmda næstu mánuði óbreyttar, þ.e. um 480 koma til framkvæmda nú í mars, um 230 í apríl og um 120 í maí. Nánari upplýsingar er að finna í áður útgefnum skýrslum um hópuppsagnir, sjá skýrslu fyrir janúar 2009 og desember 2008.

Ertu kona með góða viðskiptahugmynd? Vinnumálastofnun og Félags- og tryggingamálaráðuneyti hafa auglýst styrki til atvinnumála kvenna lausa til umsóknar. Styrkir þessir hafa verið veittir síðan 1991 og á síðasta ári voru 50 milljónum úthlutað til 56 kvenna um land allt.

Vinnumálastofnun bendir þeim sem hafa áhuga á hugsanlegum atvinnutækifærum í Manitoba í Kanada á heimasíðuna, www.immigratemanitoba.com, en þar er að finna gagnlegar upplýsingar.  Áhugasamir geta jafnframt beint fyrirspurnum ( á ensku ) á eftirfarandi  netfang,  immigratemanitoba@gov.mb.ca. Gott er að láta upplýsingar um menntun og starfsreynslu fylgja með.

Samtök Atvinnulífsins hafa gert könnun meðal aðildarfyrirtækja sambandsins sem bendir til að störfum muni fækka um nálægt 4% næstu mánuði. Gert er ráð fyrir að fjöldi þeirra sem verða alveg án atvinnu fari hæst í 15-16 þúsund í maí, en um 3 þúsund verði þá að auki atvinnulausir að hluta til.

Hagdeild ASÍ kynnti nýja hagspá fyrr í vikunni þar sem fram kemur að horfur í íslensku efnahagslífi séu dökkar næstu 2 ár en það taki að rofa til að nýju á árinu 2011. Búast má við að atvinnuleysi verði á bilinu 8-9% á árunu 2009-2011.

Skráð atvinnuleysi í janúar 2009 var 6,6% eða að meðaltali 10.456 manns og eykst atvinnuleysi um 32% að meðaltali frá desember eða um 2.554 manns. Atvinnuleysi hefur ekki verið jafn mikið frá því í janúar árið 1995 en þá var atvinnuleysi 6,8%. Á sama tíma á árinu 2008 var atvinnuleysi 1%, eða 1.545 manns. 

Í nýju vefriti fjármálaráðuneytisins er birt áætlun um framboð vinnuafls á árinu 2009 eftir landshlutum, kyni og mánuðum - sjá nánar í þessu excelskjali. Um er að ræða áætlun um fjölda ársverka og er aðferðafræðin útskýrð nánar í vefritinu. Vinnumálastofnun byggir á þessari ársverkaáætlun við sína útreikninga á atvinnuleysi og birt er í mánaðarlegri skýrslu stofnunarinnar um stöðu á vinnumarkaði.

Föstudaginn 6. febrúar verður hádegisfyrirlestur á vegum Rannsóknastofu í vinnuvernd sem ber heitið Ungt fólk og vinnumarkaðurinn. Fyrirlesarar eru Laufey Eydal og Elísabet Magnúsdóttir hjá samskipta- og þróunarsviði VR.

Vinnumálastofnun á Norðurlandi Eystra tekur þátt í samlistasýningu undir yfirskriftinni sameining lista, fólks og samfélags.  Ætlunin er að setja upp einhverskonar spunaverk þar sem öllum er boðin þátttaka. Þarna er á ferðinni mjög skemmtilegt verkefni þar sem mjög fjölbreytt kunnátta og hæfni fólks úr öllum áttum mun nýtast á mjög uppbyggilegan hátt. Auglýst er eftir leikurum, dönsurum, myndlistafólki, tónlistafólki, fatahönnuðum, förðunarfræðingum, smiðum, ljósa-og hljóð fólki, matráðum, auglýsingastjóra, bílstjóra og íhlaupafólki og öllum þeim, lærðum og leikum sem vilja vera með.
Nánari upplýsingar hér

Í janúar bárust Vinnumálastofnun 10 tilkynningar um hópuppsagnir þar sem sagt var upp samtals 167 einstaklingum. Fjórar tilkynningar voru úr mannvirkjagerð með samtals 50% þeirra sem sagt var upp með þessum hætti, aðrar uppsagnir dreifðust á flutningastarfsemi, fjármálastarfsemi, verslun, iðnað og upplýsinga- og útgáfustarfsemi.

Vegna mikils álags og anna við umsýslan og skráningu umsókna um atvinnu og atvinnuleysisbætur verður skrifstofa Vinnumálastofnunar á Akureyri lokuð eftir hádegi á föstudögum. Almennur opnunartími er því frá kl. 9:00 til 15:00 mánudaga til fimmtudaga og frá 9:00 til 12:00 á föstudögum.

Starfsorka er átaksverkefni með það markmið að auðvelda fyrirtækjum að ráða fólk í atvinnuleit. Verkefnið er samstarfsverkefni Vinnumálastofnunar og Impru á Nýsköpunarmiðstöð Íslands. Þátttaka í verkefninu er opin fyrirtækjum og einstaklingum með rekstur á öllu landinu. Umsóknir um þátttöku verða afgreiddar vikulega fyrsta mánuðinn.

Hér má nálgast glærur sem fylgdu með fyrirlestri um stöðu á vinnumarkaði og horfur næstu mánuði, sem Karl Sigurðsson hélt föstudaginn 23. janúar sl. í Odda í Háskóla Íslands.

Föstudaginn 23. janúar n.k. kl. 12-13 verður fyrsti hádegisfyrirlestur Rannsóknastofu í vinnuvernd á þessu ári. Fyrirlesari er Karl Sigurðsson forstöðumaður vinnumálasviðs hjá Vinnumálastofnun og fjallar um breytta stöðu á vinnumarkaði í kjölfar bankahrunsins og kreppu í efnahagslífinu.

Starfsmenntaráð auglýsir eftir umsóknum um styrki vegna starfsmenntunar í atvinnulífinu og er umsóknarfresturinn til 30. janúar n.k.

Þriðjudaginn 20. janúar efna Samtök atvinnulífsins, Félag kvenna í atvinnurekstri og Finnsk-íslenska viðskiptaráðið til morgunverðarfundar um hvernig finnskt atvinnulíf snéri vörn í sókn í efnahagsþrengingunum í Finnlandi á árunum 1991-1994.

Virkjun mannauðs á Reykjanesi, miðstöð fólks í atvinnuleit var formlega opnuð á Vallarheiði í gær. Virkjun er samstarfsverkefni sveitarfélaganna á Suðurnesjum, Vinnumálastofnunar, verkalýðsfélaga, fyrirtækja og menntastofnana á svæðinu s.s. Keilis, miðstöð vísinda og fræða, Fjölbrautaskóla Suðurnesja og Miðstöðvar símenntunar á Suðurnesjum.

Vinnumálastofnun á Norðurlandi Eystra er aðili að verkefninu 'Hreyfing og útivist' sem hefst formlega í dag. Hugmyndin er  núna á erfiðum tímum að auðvelda fólki að halda félagslegri, líkamlegri og andlegri virkni sinni. Vinnumálastofnun styður verkefnið fjárhagslega og beinir sínum skjólstæðingum til þátttöku. Verkefnið er þó öllum opið og koma ýmsir aðrir að fjármögnun þess bæði fyrirtæki og hagsmunahópar. Nánari upplýsingar um verkefnið má sjá í gegn um heimasíðu Vinnumálastofnunar Norðurlandi Eystra.

Í tilefni af frumsýningu íslensku heimildarmyndarinnar „Sólskinsdrengurinn“ mun Skýrslutæknifélag Íslands ásamt Umsjónarfélagi einhverfra og aðstandendum myndarinnar standa fyrir hádegiverðarfundi um stöðu einhverfra í atvinnulífinu.

Fundurinn er föstudaginn 16. janúar kl. 12-14 á Grand Hótel í Reykjavík. Þátttökugjald fyrir félagsmenn Ský og félagsmenn Umsjónafélags einhverfa er 3.800 kr. Þátttökugjald fyrir utanfélagsmenn er 4.800 kr. Skýrslutæknifélag Íslands sér um framkvæmd ráðstefnunnar, til að skrá sig á hana þarf að senda póst á sky@sky.is eða hringja í síma 553 2460.

Skráð atvinnuleysi í desember 2008 var 4,8% eða að meðaltali 7.902 manns og eykst atvinnuleysi um 45% að meðaltali frá nóvember eða um 2.458 manns.  Atvinnuleysi hefur ekki verið jafn mikið frá því í janúar árið 1997. Á sama tíma á árinu 2007 var atvinnuleysi 0,8%, eða 1.357 manns.

Jóhanna Sigurðardóttir, félags- og tryggingamálaráðherra, hefur sett tvær reglugerðir um fjölbreytt vinnumarkaðsúrræði og um nám og námsskeið sem atvinnuleitendur geta tekið þátt í samhliða því að fá greiddar atvinnuleysisbætur. Á vef félags- og tryggingamálaráðuneytisins má lesa nánar um málið.

Juan Somavia aðalritari Alþjóðavinnumálastofnunarinnar (ILO) ein af undirstofnunum Sameinuðu þjóðanna (sjá heimasíðu ILO www.ilo.org) segir í yfirlýsingu* að heimsbyggðin sé lent í kreppu mitt í þeirri kreppu sem hún var í fyrir. Hin viðvarandi kreppa sem hann vitnar til er sú tilhneiging í ríkjandi efnahagskerfi til félagslegrar mismununar.

Í desembermánuði bárust Vinnumálastofnun aðeins 4 tilkynningar um hópuppsagnir þar sem sagt var upp samtals 94 einstaklingum. Ein tilkynning var úr mannvirkjagerð, ein úr verslunargeiranum, og tvær úr upplýsinga- og sérfræðistarfsemi.