Fréttir vinnumálastofnunar

Greiðslur til atvinnuleitenda sem fengu ekki greitt í gær vegna bilunar í netþjóni en hafa staðfest sig í gær eða dag eru að fara inn á bankareikninga nú upp úr hádegi 31. des. Vinnumálastofnun biðst velvirðingar á þeim óþægindum sem þessi töf hefur valdið viðskiptavinum og harmar að þetta hafi gerst á þessum viðkvæma tíma.

Vegna bilunar þann 20. des. 2010 hafa staðfestingar á atvinnuleit sem framkvæmdar voru fyrir hádegi þann sama dag ekki skilað sér yfir í greiðslukerfi Vinnumálastofnunar!

Við biðjum alla þá sem staðfestu sig á umræddu tímabili um að staðfesta sig aftur í dag. Það er gert með því að fara inni á "Mínar síður" á heimsíðu Vinnumálastofnunar.

Vinnumálastofnun og Reykjavíkurborg hafa undirritað samkomulag um vinnumarkaðsaðgerðir fyrir fatlað fólk og samstarf varðandi þjónustu og vinnumarkaðsúrræði fyrir atvinnuleitendur sem njóta félagsþjónustu hjá Reykjavíkurborg.

Skrifstofur Vinnumálastofunar verða lokaðar á aðfangadag og gamlársdag. Þar fyrir utan er opnunartími sá sami og vanalega - sjá hér.

Greiðslustofa Vinnumálastofnunar hefur í dag lagt inn á bankareikninga eingreiðslu vegna desemberuppbótar. Greiddar eru tæpar 260 milljónir til 13.555 einstaklinga.

Skráð atvinnuleysi í nóvember 2010 var 7,7%, en að meðaltali voru 12.363 atvinnulausir í nóvember og eykst atvinnuleysi um 0,2 prósentustig frá október, eða um 301 manns að meðaltali.   

Ritið Social tryghed i de nordiske lande 2008/09, sem gefið er út af Norrænu hagskýrslunefndinni á sviði félags- og tryggingarmála (Nordisk Socialstatistik Komité (NOSOSKO)) er komið út. Eins og síðustu tvö ár kemur ritið eingöngu út í rafrænni útgáfu.

Vinnumálastofnun bárust 2 tilkynningar um hópuppsagnir í nóvembermánuði 2010. Um er að ræða tilkynningar frá fyrirtækjum í fiskvinnslu.  Heildarfjöldi þeirra sem sagt er upp er 43 manns.

Atvinnuleitendur sem tryggðir eru innan atvinnuleysistryggingakerfisins fá eingreiðslu í desember samkvæmt tillögu Guðbjarts Hannessonar, félags- og tryggingamálaráðherra, sem ríkisstjórnin samþykkti í morgun (1. des). Full uppbót er 44.857 krónur en greiðsla hvers og eins reiknast í hlutfalli við rétt hans til atvinnuleysisbóta árið 2010. 

Atvinnuleitendur sem tryggðir eru innan atvinnuleysistryggingakerfisins fá eingreiðslu í desember samkvæmt tillögu Guðbjarts Hannessonar, félags- og tryggingamálaráðherra, sem ríkisstjórnin samþykkti í morgun.

Vefur Vinnumálastofnunar hefur nú verið opnaður í nýrri og endurbættri mynd. Ýmsar breytingar hafa verið gerðar sem miða að því að bæta enn betur þjónustu við alla þá sem eiga erindi við Vinnumálastofnun.

Ársfundur Fræðslumiðstöðvar atvinnulífsins verður haldinn fimmtudaginn 18. nóvember á Hótel Hilton Nordica.

Vinnumálastofnun bárust 5 tilkynningar um hópuppsagnir í október 2010, þar sem 184 manns var sagt upp. 

Vinnumálastofnun mun taka upp nýtt og endurbætt greiðslukerfi atvinnuleysistrygginga 1. október. Með nýju greiðslukerfi verða atvinnuleysistryggingar reiknaðar út frá mánuðum í stað daga eins og verið hefur og framsetning upplýsinga á greiðsluseðli verður skýrari. Er það von Vinnumálastofnunar að breytingin verði til þess að gera útreikning atvinnuleysistrygginga auðskiljanlegri fyrir viðskiptavini. Þar sem breytingin er umsvifamikil biður stofnunin viðskiptavini að sýna skilning á því ef upp kunna að koma villur í greiðslum.

Stofnun Fjölsmiðju fyrir ungt fólk á aldrinum 16 - 24 ára  á Suðurnesjum

Stofnfundur Fjölsmiðju á Suðurnesjum var haldin 7. september sl. í húsnæði Suðurnesjadeildar Rauða krossins.  Undanfarna mánuði hefur á vegum Vinnumálastofnunar, Rauða kross Íslands og sveitarfélaganna á Suðurnesjum verið unnið að undirbúningi þessa en ráðgert er að Fjölsmiðjan starfi með mjög svipuðum hætti og fyrri Fjölsmiðjur sem áður hafa verið stofnaðar þ.e. í Kópavogi og á Akureyri.

Vinnumálastofnun bárust 2 tilkynningar um hópuppsagnir í ágúst 2010 þar sem alls var sagt upp 45 manns. 

Vinnumálastofnun vinnur í samstarfi við Samtök iðnaðarins, háskóla landsins og tækni- og hugverkafyrirtæki  að átaki í menntun einstaklinga í tækni- og raungreinum.  Mikil eftirspurn  er eftir  slíkri menntun og á hún á eftir að aukast enn frekar á næstu árum.  T.d. er  gert er ráð fyrir að það þurfi um 3.000 nýja tæknimenntaða einstaklinga á íslenskan vinnumarkað innan hugverkaiðnaðar á næstu þremur árum.

Lesa nánar um úrræðið

Skráð atvinnuleysi í júlí var 7,5%, en að meðaltali voru 12.569 atvinnulausir í júlí og minnkar atvinnuleysi um 3,2% frá júní, eða um 419 að meðaltali.  Sjá nánar:

 Upplýsingar um útborgunardaga atvinnuleysisbóta.

Ef þú ert 60 ára eða eldri og hefur fengið greiðslur úr séreignarlífeyrissjóði á sama tíma og þú varst á atvinnuleysisskrá á tímabilinu 1. mars 2009 til dagsins í dag, og atvinnuleysisbætur þínar hafa verið skertar af þeim sökum, gætir þú átt rétt á endurgreiðslu úr Atvinnuleysistryggingasjóði sem nemur fjárhæð skerðingar

Alls bárust Vinnumálastofnun 2 hópuppsagnir í júlí, báðar í byggingagreinum, þar sem 89 manns var sagt upp störfum.

Sjá nánar:

Nú frá 1. ágúst hleypir Vinnumálastofnun af stað sérstöku átaki gegn afleiðingum langtímaatvinnuleysis undir yfirskriftinni ÞOR - þekking og reynsla.  Markmiðið með átakinu er að virkja þann hóp einstaklinga sem hafa verið atvinnulausir í tólf mánuði eða lengur til þátttöku í fjölbreytilegum vinnumarkaðsúrræðum. Á næstu mánuðum verða allir þessir einstaklingar kallaðir til ráðgjafafundar á vegum Vinnumálastofnunar og þeim kynntir með öflugum og markvissum hætti tækifæri og skyldur þeirra til þátttöku úrræðum sem eiga að auka möguleika þeirra í atvinnuleitinni. Um 4000 manns hafa nú verið atvinnulausir í eitt ár eða lengur og Vinnumálastofnun hefur sett sér það markmið að nálgast þá alla fyrir 1. nóvember nk.

Vinnumálastofnun vill vekja athygli á því að Alþingi hefur með lögum nr. 70/2010, sem tóku gildi í júní sl., gert breytingar á lögum um atvinnuleysistryggingar. Breytingar þessar fela meðal annars í sér að þeir sem eru 60 ára eða eldri og hafa fengið skertar greiðslur úr Atvinnuleysistryggingasjóði á tímabilinu 1. mars 2009 til dagsins í dag, vegna greiðslna úr séreignarlífeyrissjóði, geta átt rétt á endurgreiðslu úr Atvinnuleysistryggingasjóði sem nemur fjárhæð skerðingar.

Alls bárust Vinnumálastofnun fimm tilkynningar um hópuppsagnir í júnímánuði 2010. Um er að ræða fjórar tilkynningar frá fyrirtækjum í byggingariðnaði og ein frá fyrirtæki í fiskvinnslu. Heildarfjöldi þeirra sem sagt er upp er 177 manns. Þrjár uppsagnir eru frá fyrirtækjum á höfuðborgarsvæðinu og ná þær til 105 manns, ein frá fyrirtæki á Vestfjörðum (13 manns) og ein frá fyrirtæki á Suðurlandi (59 manns).

Skráð atvinnuleysi í maí 2010 var 8,3% en að meðaltali 13.875 manns voru atvinnulausir í maí og minnkar atvinnuleysi um 5,4% frá apríl, eða um 794 manns að meðaltali.  Sjá  nánar skýrslu um  stöðu á vinnumarkaði í maí 2010. 

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu.  Til úthlutunar eru um 55 milljónir króna.  Eingöngu er tekið við umsóknum á rafrænu formi.

Tilkynnt var um 2 hópuppsagnir í maí 2010 þar sem alls 27 manns var sagt upp.  Sumir þeirra verða endurráðnir. 

Sjá nánar: 

Borgarstjórn Reykjavíkur samþykkti einróma á fundi sínum þann 20. apríl sl. að atvinnuleitendur í Reykjavík og fólk sem nýtur fjárhagsaðstoðar til framfærslu fái frían aðgang að sundstöðum borgarinnar og frí notendakort í Borgarbókasafni Reykjavíkur og útibúum þess til ársloka 2010.

Vinnumálastofnun vekur athygli á því að samkvæmt lögum um atvinnuleysistryggingar hafa námsmenn sem eru á milli anna í námi eða að fara á milli skólastiga ekki rétt til greiðslu atvinnuleysistrygginga. Atvinnuleitendum sem fá greiddar atvinnuleysistryggingar hjá Vinnumálastofnun er því ekki heimilt að stunda nám á sumarönn.

Vinnumálastofnun bárust 3 hópuppsagnir í mars 2010, þar sem sagt var upp 57 manns.  Um er að ræða fyrirtæki í fjármálastarfsemi, mannvirkjagerð og verslunarstarfsemi.

Vinnumálastofnun bárust 3 hópuppsagnir í febrúar 2010, þar sem sagt var upp 39 manns.  Um er að ræða fyrirtæki í mannvirkjagerð, og verslun.

Vinnumálastofnun bárust 4 hópuppsagnir í janúar 2010 þar sem sagt var upp 60 manns.  Um er að ræða fyrirtæki í mannvirkjagerð og upplýsinga- og útgáfustarfsemi. 

Skráð atvinnuleysi í desember 2009 var 8,2% eða að meðaltali 13.776 manns og eykst atvinnuleysi um 3,1% að meðaltali frá nóvember eða um 419 manns. Á sama tíma á árinu 2008 var atvinnuleysi 4,8% eða 7.902 manns.

Kynning á tækifærum og styrkjum í Evrópusamstarfi verður haldin á Háskólatorgi fimmtudaginn 14. janúar 2010 kl. 15-18. Þar gefst færi á að hitta fulltrúa evrópskra samstarfsáætlana á Íslandi og kynna sér möguleika á styrkjum og samstarfi á öllum sviðum menntamála, rannsókna, vísinda, nýsköpunar, menningar og atvinnulífs.