Fréttir vinnumálastofnunar

Helgina 13. til 15. janúar fer fram Atvinnu- og nýsköpunarhelgin í Reykjavík, viðburður sem haldinn er í þeim tilgangi að hjálpa einstaklingum að koma hugmyndum sínum í framkvæmd. Allir geta tekið þátt; þeir sem hafa hugmynd að vöru eða þjónustu og einnig þeir sem vilja hjálpa hugmyndum annarra við að verða að veruleika. Hugmyndir þátttakenda geta verið margskonar og mislangt á veg komnar, þess vegna algjörlega ómótaðar hugmyndir að vöru eða þjónustu. 
Viðburðurinn fer fram í Háskóla Íslands í stofu 201 Árnagarði. Þátttaka er ókeypis og skráning og nánari upplýsingar eru á vef á anh.is.

Að helginni standa Innovit nýsköpunar- og frumkvöðlasetur og Landsbankinn í samstarfi við Reykjavíkurborg.