Námskeið á vorönn 2012

Á vorönn 2012 verður boðið upp á fjölbreytt úrval námskeiða fyrir atvinnuleitendur á Vesturlandi.  Undir ,,tengdar síður" hér hægramegin á síðunni, er að finna yfirlit yfir helstu námskeiðin sem verða í boði og gefst atvinnuleitendum tækifæri til að senda tölvupóst og óska eftir því að verða bókaðir á ákveðin námskeið, sem viðkomandi hefur áhuga á að sækja.  Hámarksfjöldi námskeiða sem hægt er að sækja um er þrjú námskeið. Reynt verður að koma til móts við óskir atvinnuleitenda um að fá pláss á a.m.k. einu af þeim námskeiðum sem óskað er eftir.

Óskum um skráningu skal komið á framfæri í tölvupósti. Netfangið er vesturland@vmst.is

Skráningarfrestur á námskeiðin er mismunandi eftir námskeiðum.  Möguleiki er að skrá sig eftir að umsóknarfrestur er liðinn en ekki er tryggt að hægt sé að verða við öllum óskum um námskeiðspláss.

Minnum á að atvinnuleitendum stendur til boða að sækja um námsstyrk vegna styttra náms og námskeiða. Eyðublöð fást á þjónustuskrifstofu og hjá skráningaraðilum.  Nánari upplýsingar er að finna á heimasíðu Vinnumálastofnunar www.vinnumalastofnun.is  Einnig er eyðublaðið á netinu.  Slóðin er:  http://www.vinnumalastofnun.is/files/Umsókn%20um%20námsstyrk%20maí%202010_1464625332.pdf

Fleiri námskeið eru fyrirhuguð og þau verða auglýst síðar.

Með góðum kveðjum,

Vinnumálastofnun Vesturlandi