Starfsmannastefna

Forsíða:

Til að ná markmiðum sínum hefur Vinnumálastofnun sett sér eftirfarandi starfsmannastefnu:

Gott starfsfólk er grunnurinn að góðum árangri og því er lögð áhersla á:

hæft starfsfólk sem hafi þekkingu á viðfangsefnum stofnunarinnar,
áhugaverðan og aðlaðandi vinnustað,
að starfsandi sé góður,
að viðskiptavinum stofnunarinnar sé sýnt vinsamlegt viðmót og þjónustan sé til fyrirmyndar,
að þess sé gætt að jafnræði og sanngirni gildi við afgreiðslu mála,
að gætt sé fyllsta trúnaðar varðandi upplýsingar sem starfsfólk öðlast vegna starfsins,
að verklagsreglur við meðhöndlun mála hjá stofnuninni séu skýrar og öllum ljósar,
að starfsfólk Vinnumálastofnunar hafi þekkingu og nýjustu upplýsingar til að vinna eftir s.s. á stjórnsýslulögum og á öðrum þeim lögum og reglugerðum sem um starfsemina varða.

Til að framfylgja starfsmannastefnu sinni mun Vinnumálastofnun:

setja sér fræðslustefnu ásamt árlegri þjálfunaráætlun til að hver og einn hafi nauðsynlega þekkingu til að takast á við þau verkefni sem honum eru falin,
gæta þess að starfsmannasamtöl séu tekin a.m.k. árlega til að bæta samskipti á vinnustaðnum og gefa starfsfólki kost á að koma sjónarmiðum sínum á framfæri,
gefa út og viðhalda starfslýsingum eftir samræmdum reglum fyrir öll störf innan stofnunarinnar og svæðisvinnumiðlana.

Samþykkt á 58. stjórnarfundi Vinnumálastofnunar föstudaginn 26. janúar 2001.