Stjórn

Stjórn Vinnumálastofnunar

Félags- og tryggingamálaráðherra skipar stjórn Vinnumálastofnunar til fjögurra ára í senn skv. 5. gr. laga um vinnumarkaðsaðgerðir, nr. 55/2006. Alþýðusamband Íslands og Samtök atvinnulífsins tilnefna tvo aðalmenn og tvo til vara hvort, Bandalag starfsmanna ríkis og bæja, Bandalag háskólamanna, fjármálaráðuneytið og Samband íslenskra sveitarfélaga tilnefna einn aðalmann og einn varamann hvert í stjórnina. Ráðherra skipar án tilnefningar tvo aðalmenn í stjórnina, formann og varaformann. Skipunartími er frá 1. júlí 2010 til 30. júní 2014.

Í stjórn Vinnumálastofnunar eiga sæti:

Varamenn:

Nánar um skipan og starfssvið stjórnar Vinnumálastofnunar

Samkvæmt 5. grein laga um vinnumarkaðsaðgerðir skipar félags- og tryggingamálaráðherra stjórn Vinnumálastofnunar til fjögurra ára í senn. Tveir stjórnarmenn skulu tilnefndir af Alþýðusambandi Íslands, einn tilnefndur af Bandalagi háskólamanna, einn tilnefndur af Bandalagi starfsmanna ríkis og bæja, einn tilnefndur af fjármálaráðuneyti, einn tilnefndur af Sambandi íslenskra sveitarfélaga og tveir tilnefndir af Samtökum atvinnulífsins. Tilnefna skal jafnmarga fulltrúa til vara. Ráðherra skipar tvo stjórnarmenn án tilnefningar og skal annar þeirra vera formaður stjórnar stofnunarinnar og hinn varaformaður. 

Forstjóri Vinnumálastofnunar situr fundi stjórnarinnar með málfrelsi og tillögurétt.

Stjórn Vinnumálastofnunar skal hafa eftirlit með rekstri og starfsemi stofnunarinnar. Stjórninni er meðal annars ætlað að fjalla um og samþykkja starfs- og fjárhagsáætlun stofnunarinnar sem forstjóri leggur fyrir hana eigi síðar en í desember vegna komandi rekstrarárs. Enn fremur skal hún árlega leggja fram tillögur til stjórnar Atvinnuleysistryggingasjóðs um fjármagn til greiðslu atvinnuleysisbóta og umsýslu Vinnumálastofnunar fyrir sjóðinn samkvæmt þjónustusamningi. Stjórn stofnunarinnar skal jafnframt annast faglega stefnumótun á sviði vinnumarkaðsaðgerða og gera félagsmálaráðherra grein fyrir atvinnuástandi og árangri vinnumarkaðsaðgerða í skýrslu í lok hvers árs. Skal stjórnin hafa reglulegt samráð við vinnumarkaðsráðin, sbr. 6. gr., við mat á atvinnuástandi á hverju svæði.

Stjórn Atvinnuleysistryggingasjóðs

Félags- og tryggingamálaráðherra skipar níu manna stjórn Atvinnuleysistryggingasjóðs til fjögurra ára í senn skv. 6. gr. laga um atvinnuleysistryggingar, nr. 54/2006. Alþýðusamband Íslands og Samtök atvinnulífsins tilnefnir tvo stjórnarmenn og tvo til vara, Bandalag starfsmanna ríkis og bæja, Bandalag háskólamanna, fjármálaráðuneytið og Samband íslenskra sveitarfélaga tilnefna einn stjórnarmann hver og einn til vara.

Í stjórn Atvinnuleysistryggingarsjóðs eiga sæti:

Varamenn:

Stjórn Tryggingasjóðs sjálfstætt starfandi einstaklinga

Félags- og tryggingamálaráðherra skipar stjórn Tryggingasjóðs sjálfstætt starfandi einstaklinga til fjögurra ára í senn skv. 8. gr. laga um atvinnuleysistryggingar, nr. 54/2006. Bændasamtök Íslands, Landssamband smábátaeigenda, Landssamband vörubifreiðastjóra tilnefna einn stjórnarmann hver og einn til vara. Félags- og tryggingamálaráðherra skipar formann án tilnefningar og varaformann úr hópi varamanna.

Í stjórn Tryggingasjóðs sjálfstætt starfandi einstaklinga eiga sæti:

Varamenn: