Úrræði

Forsíða:

Vinnumálastofnun - Útgefið efni og talnaefni - Skýrslur og talnaefni - Úrræði

Fjallað er um úrræði í lögum um vinnumarkaðsaðgerðir nr. 55/2006. Markmið laga þessara er að veita einstaklingum viðeigandi aðstoð til að verða virkir þátttakendur á vinnumarkaði. Hér til hægri má nálgast gögn og frekari greiningu á úrræðum eftir aldri, búsetu, menntun o.fl.

Tegundir úrræða	2010	2009	2008	2007	2006	2005
Grunnúrræði	2.662	1.379	384	224	639	828
Smiðjur og klúbbar	1.279	481	48	20	23	8
Tungum.-, tölvu-og skrifstofun.	2.679	1.196	338	230	280	395
Starfstengd námskeið	1.243	668	113	78	92	128
Námssamningar	1.480	1.435	6	10	17	16
Starfsþjálfun og reynsluráðning	773	586	36	35	39	60
Átaksverkefni	638	514	33	19	51	96
Námsstyrkir	766	245	69	50	37	87
Nýsköpunarverkefni	431	151
Fræðslumiðstöð atvinnulífsins	766	265
Samtals	12.771	6.920	1.027	666	1.178	1.618

Vinnumálastofnun annast skipulag vinnumarkaðsúrræða sem skiptast í eftirfarandi flokka:
   a. einstök námskeið, svo sem námskeið um gerð starfsleitaráætlunar eða sjálfstyrkingu og námskeið til að bæta tiltekna færni,
   b. starfsúrræði, þ.e. starfskynning, starfsþjálfun og reynsluráðning,
   c. ráðgjöf samhliða námskeiðsþátttöku og reynsluráðningu,
   d. námsúrræði,
   e. atvinnutengd endurhæfing, og
   f. atvinnutengd endurhæfing einstakra hópa.

Vinnumálastofnun er heimilt að gera þjónustusamninga um þátttöku atvinnuleitenda í einstökum vinnumarkaðsúrræðum sem aðrir þjónustuaðilar annast framkvæmd á.
Félagsmálaráðherra skal í reglugerð¹⁾ kveða nánar á um skipulag vinnumarkaðsúrræða að fenginni umsögn stjórnar Vinnumálastofnunar, svo sem hvers konar námskeið skuli haldin og hvaða nám teljist til vinnumarkaðsaðgerða.
¹⁾Rg. 12/2009. Rg. 13/2009, sbr. 116/2010.

Ráðgjafar Vinnumálastofnunar skulu hafa eftirlit með því að atvinnuleitendur fylgi eftir áætlun um atvinnuleit og þátttöku í viðeigandi vinnumarkaðsúrræðum. Vinnumálastofnun er heimilt að synja atvinnuleitanda um þjónustu samkvæmt lögum þessum þegar hann fylgir ekki eftir áætlun um atvinnuleit og þátttöku í vinnumarkaðsaðgerðum, þar á meðal ítrekað hafnar þátttöku í einstökum vinnumarkaðsúrræðum, sinnir því ekki að leita sér aðstoðar hjá öðrum þjónustuaðilum, eða lætur hjá líða að veita Vinnumálastofnun nauðsynlegar upplýsingar um vinnufærni sína eða þær breytingar er kunna að verða á vinnufærni hans eða aðstæðum að öðru leyti.

Heimilt er að binda þátttöku atvinnuleitanda í vinnumarkaðsaðgerðum við það skilyrði að hann leiti sér fyrst eða samhliða aðstoðar annarra þjónustuaðila.

Heimilt er að kæra ákvarðanir Vinnumálastofnunar sem teknar eru á grundvelli laga þessara til úrskurðarnefndar atvinnuleysistrygginga og vinnumarkaðsaðgerða.