Vinnumálastofnun

Þróun eigin viðskiptahugmyndar

Umsóknarferli / gerð samnings

Skilyrði

• Umsækjandi eigi bótarétt og bótaréttur sé ljós 
• Viðskiptahugmyndin verður að teljast líkleg til að skapa atvinnuleitandanum framtíðarstarf
• Umsækjandinn þarf að hafa kynnt sér stofnun og rekstur smáfyrirtækja eða geti sýnt fram á þekkingu á því sviði
• Úrræðið skal vera samfellt í tíma
• Atvinnuleitandi getur opnað virðisaukanúmer á meðan á úrræðinu stendur en fellur þá undir breytingu á bráðabirgðaákvæði IV við lög nr. 54/2006 um atvinnuleysistryggingar sem felur í sér að aðlögunartími sjálfstætt starfandi einstaklinga til að hafa opinn rekstur ásamt því að þiggja atvinnuleysisbætur er þrír mánuðir
• Sé atvinnuleitandi með opið virðisaukanúmer þegar hann fær samþykkta ÞEV fellur hann undir ofangreint skilyrði

Framkvæmd

• Atvinnuleitandi fyllir út umsóknareyðublað
• Atvinnuleitandi skilar umsókn á þjónustuskrifstofu.  Ef ráðgjafi VMST álítur þessa vinnumarkaðsaðgerð henta atvinnuleitanda sendir hann umsóknina í mat eftir að hafa yfirfarið umsókn og fylgibréf sem óskað er með umsókn   
• Matshópur yfirfer umsóknir hálfsmánaðarlega og hefur til hliðsjónar matsreglur (nýnæmi, samkeppni, möguleg framþróun, lýsing á viðskiptahugmynd, fjármögnun og kostnaðaráætlun og verkáætlun)
• Umsækjandi fær svar þegar umsókn hefur verið metin.  Ef hún er samþykkt hefur umsækjandi samband við þjónustuskrifstofu og fer yfir næstu skref
• Starfsmaður þjónustuskrifstofu gerir tvíhliða samning við umsækjanda sem báðir undirrita
• Úrræðið er veitt til þriggja eða sex mánaða

Framvinda - framlenging - eftirfylgni

• Framvinduskýrslu er skilað eftir 3 mánuði ef samningur er gerður til 6 mánaða. Ef samningur er gerður til 3ja mánaða er einungis lokaskýrslu skilað.  
• Lokaskýrslu er alltaf skilað í lok verkefnis.  Nálgast má eyðublöðin hér.   Mikilvægt er að skila skýrslum á réttum tíma svo greiðslur atvinnuleysisbóta dragist ekki.

• Sá tími sem starf á grundvelli samnings um þróun eigin viðskiptahugmyndar stendur yfir dregst frá bótatímabili atvinnuleitanda.

Vinnumálastofnun er heimilt að gera sérstakan samning við atvinnuleitanda sem er tryggður innan atvinnuleysistryggingakerfisins um að hann vinni í allt að sex mánuði að þróun eigin viðskiptahugmyndar með það að markmiði að koma hugmyndinni í framkvæmd.