Frá 1. Janúar 2016 fluttist umsjón með vinnusamningum öryrkja frá Tryggingastofnun til Vinnumálastofnunar. Vinnusamningar eru endurgreiðslusamningar til atvinnurekenda sem hafa ráðið fólk með skerta starfsgetu til starfa.
Tryggingastofnun mun greiða skv. gildandi samningum vegna ársins 2015, en þá þurfa launaseðlar og eftir atvikum önnur gögn að hafa borist TR í síðasta lagi 20. janúar 2016.
Eftir það mun Vinnumálastofnun alfarið taka við málaflokknum og ber því frá þeim tíma að senda öll gögn til Vinnumálastofnunar, einnig vegna eldri ára.

Skráð atvinnuleysi í desember 2015 var 2,8%, en að meðaltali voru 4.594 atvinnulausir í desember og fjölgaði atvinnulausum um 187 að meðaltali frá nóvember eða um 0,1 prósentustig.

Í dag kom út skýrsla á vegum Vinnumálastofnunar um stöðu og horfur á vinnumarkaði á árunum 2016 til 2018. Vinnumálastofnun stóð fyrir kynningu á skýrslunni þar sem Karl Sigurðsson, sérfræðingur stofnunarinnar fór yfir helstu niðurstöður.

Engin tilkynning um hópuppsögn barst Vinnumálastofnun í desember 2015.