Desemberuppbót  vegna ársins 2020

Atvinnuleitendur sem staðfesta atvinnuleit milli 20. nóvember og 3. desember á árinu 2020 og eru tryggðir samkvæmt lögum um atvinnuleysistryggingar í nóvember mánuði eiga rétt til greiðslu desemberuppbótar. Á þetta við um bæði þá sem eru að fá greiddar almennar atvinnuleysisbætur og þá sem fá greiddar atvinnuleysisbætur samhliða minnkuðu starfshlutfalli.  

Áætlað er að greiða út desemberuppbótina 10. desember nk.

Fjárhæðir: 

Hámarksfjárhæð uppbótarinnar er 86.853 kr. og hún er aldrei lægri en 21.713 kr. 

Með hverju barni á framfærslu atvinnuleitanda er greitt aukalega 6% af óskertri desemberuppbót eða 5.211 kr. 

Greiddur er skattur af desemberuppbót. 

Skilyrði:

Staðfesta atvinnuleit milli 20. nóvember og 3. desember 2020.

Teljast tryggður í nóvember mánuði 2020.

Til að eiga rétt á fullri desemberuppbót þarf atvinnuleitandi að hafa verið skráður atvinnulaus í 10 mánuði á árinu 2020 eða meira og eiga fullan bótarétt. 

Atvinnuleitandi sem á ekki fullan bótarétt, hvort sem um er að ræða almennar atvinnuleysisbætur eða hlutabætur, og hefur verið skráður atvinnulaus í 10 mánuði eða meira fær hlutfallslega uppbót í samræmi við rétt sinn til atvinnuleysisbóta. 

Dæmi vegna hlutabótaréttar og 10 mánuðir á skrá: 

  • 75% bótaréttur þá er desemberuppbót 65.140 kr. 
  • 50% bótaréttur þá er desemberuppbót 43.426 kr. 
  • 25% bótaréttur þá er desemberuppbót 21.713 kr. 

Atvinnuleitandi sem hefur verið skráður skemur en 10 mánuði atvinnulaus fær hlutfallslega desemberuppbót miðað við fjölda mánaða sem hann hefur verið á skrá og í samræmi við bótarétt sinn. 

Dæmi vegna færri en 10 mánaða á skrá: 

  • Ef þú hefur verið 4 mánuði á skrá og átt 100% bótarétt þá átt þú rétt til 40% desemberuppbót eða 34.741 kr. 
  • Ef þú hefur verið 6 mánuði á skrá og átt 50% bótarétt þá átt þú rétt til 30% desemberuppbótar eða 26.056 kr. 

Ég fékk greiddar atvinnuleysisbætur á árinu 2020 en ekki vegna nóvember mánaðar:

Þá átt þú ekki rétt til desemberuppbótar. Skilyrði er að atvinnuleitandi staðfesti atvinnuleit milli 20. nóvember og 3. desember og hafir talist tryggður í skilningi laga um atvinnuleysistryggingar í nóvember mánuði. 

Hvar finn ég reglugerðina?

Reglugerð um desemberuppbót má nálgast með því að smella á eftirfarandi tengil:
https://www.reglugerd.is/reglugerdir/eftir-raduneytum/frn/nr/1135-2020


Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hvað er helst að?

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.

, má bjóða þér að prófa að spjalla við Vinný, nýtt snjallmenni Vinnumálastofnunar?
Vinný snjallmenni