Fréttir 2015 Janúar

Velferðarvaktin kynnir tillögur um aðgerðir til að vinna bug á fátækt

Velferðarvaktin kynnti í gær skýrslu um stöðu efnalítilla barnafjölskyldna og þeirra sem búa við sára fátækt. Í skýrslunni  leggur Velferðarvaktin m.a. til að stjórnvöld tryggi að efnalitlar fjölskyldur og einstaklingar geti nýtt sér þá grunnþjónustu sem boðið er upp á í samfélaginu á hverjum tíma. Að lögbundinn þjónusta verði gjaldfrjáls og sérstaklega sú sem snýr að börnum.
Í skýrslunni eru lagðar fram sex  tillögur til úrbóta og fjalla þær um barnabætur og barnatryggingar, viðmið um lágmarksframfærslu, húsnæðismál, grunnþjónustu, samhæfingaraðila máls, samvinnu við frjáls félagasamtök og verkefnasjóð.

Lesa meira

Meirihluti bótaþega virkir á vinnumarkaði þegar bótatímabili lýkur

Niðurstöður nýrrar rannsóknar Vinnumálastofnunar og velferðarráðuneytisins sýna að meirihluti þeirra sem þátt tóku í könnuninni og fullnýtt höfðu rétt sinn innan atvinnuleysistryggingakerfisins höfðu hafið þátttöku á vinnumarkaði að nýju þegar könnunin var gerð, eða 57.8% svarenda. Að auki höfðu 5.8% hafið nám. Þannig sögðust 63.6% svarenda vera annað hvort launamenn í fullu starfi, launamenn í hlutastarfi, í sjálfstæðum rekstri eða í námi.

Lesa meira

Þjónusta við atvinnuleitendur á fjárhagsaðstoð gerð enn skilvirkari

Vinnumálastofnun og Velferðarsvið Reykjavíkurborgar undirrituðu í dag samstarfssamning um þjónustu Vinnumálastofnunar við unga atvinnuleitendur sem fá greidda fjárhagsaðstoð frá borginni. Markmið samningsins er að grípa sem fyrst inn í óvirkni einstaklinganna á vinnumarkaði með markvissri ráðgjöf og tilboði um vinnumarkaðsúrræði eftir því sem við á.  Aðilar telja mikilvægt að tryggja atvinnuleitendum samræmda þjónustu óháð bótarétti þeirra og tryggja þeim meiri samfellu í ráðgjöf og stuðningi sem og að koma í veg fyrir að einstaklingar falli milli þjónustukerfa.

Lesa meira




Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.