Fréttir 2016 Mars

Vinnumálastofnun tekur þátt í  Evrópuverkefni sem heitir  EMPOWER sem  hefur hlotið styrk  úr Erasmus+ áætlun Evrópusambandsins. Verkefnið snýst um að þróa fræðsluefni fyrir ráðgjafa og sjálfboðaliða sem vinna með konum af erlendum uppruna.  Markmið er að aðstoða konur til að þróa starfshæfni sína og getu til að auka möguleika á vinnumarkaði. 
Þátttakendur fá einnig möguleika á því að fá aðstoð við að þróa eigin viðskiptahugmynd.       

Skráð atvinnuleysi í febrúar 2016 var 2,9%, en að meðaltali voru 4.793 atvinnulausir í febrúar og
fækkaði atvinnulausum um 64 að meðaltali frá janúar en hlutfallstala atvinnuleysis breyttist ekki.

Ein tilkynning um hópuppsögn barst Vinnumálastofnun í febrúar þar sem 28 manns var sagt upp störfum í fiskvinnslu.  Uppsagnirnar taka gildi á tímabilinu apríl til september 2016.