Námskeið fyrir konur af erlendum uppruna

Ert þú kona af erlendum uppruna? Viltu auka hæfni og færni þína? Ertu að leita að starfi eða hefur þú hug á því að stofna fyrirtæki?

Vinnumálastofnun er einn þátttakanda af fjórum í Evrópuverkefni sem ber nafnið EMPOWER. Markmið verkefnisins er að þróa annarsvegar fræðsluefni  fyrir konur af erlendum uppruna og hinsvegar fræðsluefni fyrir ráðgjafa og sjálfboðaliða sem vinna með konum af erlendum uppruna. 

Með námskeiðinu gefst konum af erlendum uppruna tækifæri til að efla eigin hæfni og þróa starfshæfni sína og  auka möguleika sína á vinnumarkaði.   Þátttakendur fá einnig aðstoð við að þróa eigin viðskiptahugmynd ef hún er fyrir hendi.   

Námskeiðið samanstendur af átta námsþáttum, þátttakendur fara í gegnum sjálfsskoðun og verða fjölbreyttar æfingar og verkefni hluti af þeirri rýni.  Námsefnið samanstendur einnig af námsþáttum sem  að efla styrkleika og seiglu til að takast á við nýjar áskoranir. Skoðað verður hvaða úrræði eru fyrir hendi fyrir hópinn og farið verður í markmiðasetningu.

Námskeiðið hefst í apríl og stendur til maíloka. Kennt verður annan hvern þriðjudag  (2 námsþættir á dag) en viku siðar er svo boðið upp á vinnu í hæfnihringjunum þar sem tækifæri gefst til nánari umræðu um þau verkefni og vandamál sem hópurinn stendur frammi fyrir.

Námskeiðið er þátttakendum að kostnaðarlausu.

Pláss er fyrir 10 konur á námskeiðunum og 5 í hæfnihringjunum en þess ber að geta að annað námskeið verður haldið í haust.

Samstarfsaðilar eru fjórir; Inova í Bretlandi, Vinnumálastofnun á Íslandi, KMOP á Grikklandi og SIF  í Litháen en Inova stýrir verkefninu.

Starfsmenn EMPOWER hjá Vinnumálastofnun eru þær Ásdís Guðmundsdóttir og Ingibjörg Ebba Björnsdóttir og gefa þær nánari upplýsingar.

asdis.gudmundsdottir@vmst.is

ingibjorg.bjornsdottir@vmst.is

Hægt er að sækja um námskeiðið með því að smella á tengilinn hér að neðan:

https://docs.google.com/forms/d/1B3HXTNboYwCWTiAaosxouDYdgEg0NNErVOF1E6Q7W4k/edit

Nánari upplýsingar um verkefnið má finna  á heimasíðu þess www.empoweringwomen.eu

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.