Kvennafrídagur 24. október - lokað frá klukkan 14.38

Í tilefni af Kvennafrídeginum verður lokað hjá Vinnumálastofnun frá klukkan 14.38 mánudaginn 24. október.

Rannsóknir á vinnumarkaði hafa sýnt fram á að konur eru að meðaltali með 29,7% lægri tekjur en karlar og samkvæmt því hafa konur unnið fyrir sínum launum að loknum 5 klukkustundum og 38 mínútum miðað við fullan vinnudag frá kl 9-17. Daglegum vinnuskyldum kvenna er því lokið kl 14:38.

Á heimasíðu www.humanrights.is segir:

,, Þann 24. október árið 1975 lögðu konur um allt land niður vinnu til að sýna fram á mikilvægi vinnuframlags kvenna fyrir þjóðfélagið. Árið 2005 héldum við upp á kvennafrídaginn í annað sinn og konur gengu í tugþúsunda tali útaf vinnustað á þeirri mínútu þegar þær hættu að fá borgað fyrir störf sín miðað við karla. Þá gengu konur út klukkan 14:08. Árið 2010 gengu konur út klukkan 14:25. Nú göngum við út klukkan 14:38. Við höfum grætt hálftíma á ellefu árum. Tæplega þrjár mínútur á hverju ári. Með þessu áframhaldi þurfum við að bíða í 52 eftir að hafa sömu laun og sömu kjör og karlar, til ársins 2068! Það er óásættanlegt! 

Konur um allt land eru hvattar til að leggja niður vinnu klukkan 14:38 og þar sem ljóst er að stofnunin getur ekki haldið úti eðlilegum rekstri á þjónustuveri eða útibúum sínum án allra kvenkyns starfsmanna höfum við ákveðið að loka kl 14:38 og hvetja allar konur til að mæta á samstöðufundi sem haldnir eru um allt land.

 
Hunang vefstofa Merki Hunang vefstofu