Viltu taka þátt í að bjóða upp á tómstundastarf í sumar fyrir börn  á flótta sem eru umsækjendur um alþjóðlega vernd í Reykjanesbæ?

Vinnumálastofnun auglýsir eftir aðilum til að taka að sér að vera með fjölbreytileg tómstundarúrræði fyrir börn sem eru umsækjendur um alþjóðlega vernd og eru búsett í Reykjanesbæ.

 

Nánar um verkefnið

Vinnumálastofnun þjónustar umsækjendur um alþjóðlega vernd. Í dag eru 90 börn  staðsett í Reykjanesbæ sem eru umsækjendur um alþjóðlega vernd. Vinnumálastofnun leggur áherslu á að þjónustu börnin og koma til móts við þarfir þeirra. Liður í því er að bjóða þessum börnum  upp á tómstundastarf í sumar til þess að sporna við félagslegri einangrun og styrkja börnin í leik og starfi.

Aldur barna:

Um er að ræða börrn á grunnskólastigi, þ.e. frá 6-16 ára.
Gert er ráð fyrir að námskeiðin verði aldursskipt þannig að námskeiðin taki mið af aldri barnanna. 

Nánar um tómstundaúrræðin:

• Námskeiðin fara fram á tímabílinu 01. júní - 31. ágúst.
• Lengd námskeiða er frjálst en aldrei skemur en ein vika.
• Námskeiðin geta verið hálfan eða heilan dag á tímabilinu 09:00-16:00
• Námskeiðin verða haldinn í Reykjanesbæ – nánar tiltekið í Officera klúbbnum.

Menntunar- og hæfniskröfur:

Reynsla af tómstundarstarfi með börnum og unglinga

Reynsla af námskeiðshaldi fyrir börn og unglinga

Íslenska og enska

Spænska/arabíska kostur en ekki krafa.

Hreint sakarvottorð*

*Óheimilt er að ráða til starfa hjá aðilum, sem 2. gr. tekur til og sinna börnum og ungmennum undir 18 ára aldri í æskulýðsstarfi, einstaklinga sem hlotið hafa refsidóm vegna brota á ákvæðum XXII. kafla almennra hegningarlaga, nr. 19/1940. Sama gildir um þá sem hlotið hafa refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Ákvæði þetta nær einnig til þeirra sem falin er umsjón með börnum og ungmennum undir 18 ára aldri á grundvelli sjálfboðaliðastarfs.

Umsóknarfrestur: 01.05. 2023

Nánari upplýsingar veitir:

Íris Halla Guðmundsdóttir
Deildarstjóri Þjónusta við umsækjendur um alþjóðlega vernd. 
Netfang:  iris.h.gudmundsdottir@vmst.is

 

Skila inn umsókn