Niðurfelling bótaréttar í 40 bótadaga vegna starfsloka felld úr gildi. Búferlaflutningar af fjölskylduástæðum.

Nr. 5 - 2006

Úrskurður

 

Hinn 27. janúar 2006 kvað úr­skurð­ar­n­efnd at­vinnu­leysis­bóta upp svohljóðandi úr­skurð í máli nr. 5/2006.

 

Máls­at­vik og kæru­efni

 

1.

Úthlutunar­nefnd at­vinnu­leysis­bóta nr. 2 fyrir höfuðborgarsvæðið samþykkti á fundi sínum þann 22. nóvember 2005 umsókn X um atvinnuleysisbætur.  Með vísan til upplýsinga á vinnuveitandavottorði 11. nóvember 2005 um starfslok hennar hjá H var réttur hennar til atvinnuleysisbóta hins vegar felldur niður í 40 bótadaga í upphafi bótatímabils á grundvelli 4. tölul. 5. gr. laga nr. 12/1997, um at­vinnu­leysis­tryggingar.

 

2.

X kærði framangreinda ákvörðun úthlutunarnefndar til úrskurðarnefndar atvinnuleysisbóta með bréfi 30. nóvember 2005.  Í bréfi sínu segist hún hafa verið í starfi dómritara hjá H frá júlí 1992.  Ástæða uppsagnar hennar hafi verið sú að hún var að flytja búferlum til Reykjavíkur ásamt dóttur sinni.  Dóttirin hafi verið að hefja nám í hönnunardeild Iðnskólans, en slíkt nám sé ekki í boði við F.  X biður um að ákvörðun úthlutunarnefndar verði endurskoðuð með tilliti til þessa.

Í gögnum málsins liggur fyrir vinnuveitandavottorð frá F þann 11. nóvember 2005.  Þar kemur fram að Ólöf starfaði hjá H þar til 30. september 2005.  Ástæða starfsloka er sögð sú að hún hafi sjálf sagt upp störfum.  Samkvæmt útskrift úr þjóðskrá frá 25. janúar 2006 er lögheimili X og dóttur hennar að B í Reykjavík miðað við 1. desember sl.  Vottorð um skólavist dóttur kæranda í Iðnskólanum er meðal gagna málsins.

 

 

Niður­staða

 

1.

Sam­kvæmt 4. tölul. 5. gr. laga nr. 12/1997, um at­vinnu­leysis­tryggingar, veldur það missi bóta­réttar í 40 bóta­daga ef um­sækjandi um at­vinnu­leysis­bætur hefur sagt lausu því starfi sem hann hafði án gildra ástæðna.  Ákvæði þetta er skýrt nánar í 7. gr. reglu­gerðar nr. 545/1997 um greiðslu at­vinnu­leysis­bóta en þar segir:

 

Ef um­sækjandi um bætur hefur sagt starfi sínu lausu er út­hlutunar­nefnd at­vinnu­leysis­bóta heimilt að ákveða að hann skuli ekki missa rétt til bóta, sbr. 4. tölul. 5. gr. laga um at­vinnu­leysis­tryggingar, séu starfs­lok til­komin vegna einhverra eftir­talinna at­vika:

a.         Maki um­sækjanda hafi farið til starfa í öðrum lands­hluta og fjöl­skyldan hefur af þeim sökum þurft að flytja bú­ferlum.

b.         Upp­sögn má rekja til þess að um­sækjandi, að öðru leyti vinnu­fær, hefur af heilsu­fars­á­st­æðum sagt sig frá þeirri vinnu sem hann var í, að því til­skildu að vinnu­veitanda hans hafi mátt vera kunnugt um þessar ást­æður áður en hann lét af störfum. Heimilt er að óska eftir læknis­vott­orði þessu til stað­festingar.

Kjósi út­hlutunar­nefnd að beita heimild 4. tölul. 5. gr. laga um at­vinnu­leysis­tryggingar í öðrum til­vikum en að ofan greinir, skal hún til­taka sér­stak­lega í ákvörðun sinni þau at­vik og sjónar­mið sem ákvörðun byggist á.

 

2.

 

Kærandi sagði upp starfi sínu til að flytja búferlum til Reykjavíkur þar sem dóttir hennar var að hefja nám í hönnunardeild Iðnskólans, en slíkt nám er ekki í boði í F þar sem kærandi bjó. Það er mat úrskurðarnefndar að 2. mgr. 7. gr. reglugerðar nr. 545/1997 eigi við í máli kæranda þar sem hún var að flytja með dóttur sinni sem var að hefja skólanám í Reykjavík sem ekki stóð til boða á heimaslóðum,  og að hún hafi því sagt upp störfum á grundvelli gildra ástæðna, sbr. 4. tölul. 5. gr. laga nr. 12/1997.  Með vísan til framanritaðs er ákvörðun úthlutunarnefndar atvinnuleysis­bóta nr. 1 fyrir höfuðborgarsvæðið um niðurfellingu bóta­réttar kæranda í 40 bóta­daga samkvæmt 4. tölul. 5. gr. laga um atvinnuleysistryggingar nr. 12/1997 felld úr gildi með vísan til 2. mgr. 7. gr. rgl. 545/1997.

Úr­skurðar­orð:

 

            Felld er úr gildi ákvörðun út­hlutunar­nefndar at­vinnu­leysis­bóta nr. 1 fyrir höfuðborgarsvæðið frá 22. nóvember 2005 um að X skuli sæta missi bótaréttar í 40 bótadaga. 

 

Úr­skurð­ar­n­efnd at­vinnu­leysis­bóta

 

Linda Björk Bentsdóttir

for­maður

 

Elín Blöndal                                           Arnar Þór Jónsson

Til baka