Niðurfelling bótaréttar í 40 bótadaga, segir upp starfi.

Nr. 61 - 2003

Úrskurður

 

Þann 23. júní 2003 kvað úr­skurð­ar­n­efnd at­vinnu­leysis­bóta upp svohljóðandi úr­skurð í máli nr. 61/2003.

 

Máls­at­vik og kæru­efni

 

1.

Málsatvik eru þau að út­hlutunar­nefnd at­vinnu­leysis­bóta nr. 1 fyrir höfuðborgarsvæðið samþykkti á fundi sínum þann 5. maí 2003 umsókn B um atvinnuleysisbætur.  Með vísan til upplýsinga á vinnuveitandavottorði, dags 23. apríl 2003, um starfslok hans hjá O ehf., var réttur hans til atvinnuleysisbóta hins vegar felldur niður í 40 bótadaga í upphafi bótatímabils á grundvelli 4. tölul. 5. gr. laga um atvinnuleysistryggingar nr. 12/1997, sem kveður á um það að hafi umsækjandi um atvinnuleysisbætur sagt starfi sínu lausu án gildra ástæðna skuli það varða missi bótaréttar í 40 bótadaga.

 

2.

B kærði ákvörðun úthlutunarnefndar til úrskurðarnefndar atvinnuleysisbóta með bréfi dags. 19. maí 2003.  Í bréfi sínu segist hann hafa sagt lausu starfi sínu hjá O.  Ástæða uppsagnarinnar hafi verið óþolandi vinnuumhverfi. Vinnuandinn hafi verið afskaplega slæmur og keyrt um þverbak á þeirri vakt sem hann var á.  Samstarfsmanneskja hans hafi nánast lagt hann í einelti, honum hafi liðið illa í vinnunni og kviðið fyrir því að sækja vinnu að morgni. Hann hafi því tekið þá ákvörðun að segja starfi sínu lausu og reyna fyrir sér á öðru sviði.  Honum finnist ákvörðun sín fyllilega réttlætanleg. Hann hafi margoft rætt vandamálið við yfirmann sinn en ávalt fengið svipuð svör um að þetta lagast og er þetta nokkur svo slæmt. B fer fram á að úrskurðarnefndin afturkalli ákvörðun úthlutunarnefndar um 40 daga niðurfellingu bóta. 

 

Niður­staða

1.

Sam­kvæmt 4. tölul. 5. gr. laga um at­vinnu­leysis­tryggingar nr. 12/1997, veldur það missi bóta­réttar í 40 bóta­daga ef um­sækjandi um at­vinnu­leysis­bætur hefur sagt lausu því starfi sem hann hafði án gildra ástæðna.  Ákvæði þetta er skýrt nánar í 7. gr. reglu­gerð nr. 545/1997 um greiðslu at­vinnu­leysis­bóta en þar segir:  Ef um­sækjandi um bætur hefur sagt starfi sínu lausu er út­hlutunar­nefnd at­vinnu­leysis­bóta heimilt að ákveða að hann skuli ekki missa rétt til bóta, sbr. 4. tölu. 5. gr. laga um at­vinnu­leysis­tryggingar, séu starfs­lok til­komin vegna einhverra eftir­talinna at­vika:

a.         Maki um­sækjanda hafi farið til starfa í öðrum lands­hluta og fjöl­skyldan hefur af þeim sökum þurft að flytja bú­ferlum.

b.         Upp­sögn má rekja til þess að um­sækjandi, að öðru leyti vinnu­fær, hefur af heilsu­fars­á­st­æðum sagt sig frá þeirri vinnu sem hann var í, að því til­skildu að vinnu­veitanda hans hafi mátt vera kunnugt um þessar ást­æður áður en hann lét af störfum. Heimilt er að óska eftir læknis­vott­orði þessu til stað­festingar.

Kjósi út­hlutunar­nefnd að beita heimild 4. tölul. 5. gr. laga um at­vinnu­leysis­tryggingar í öðrum til­vikum en að ofan greinir, skal hún til­taka sér­stak­lega í ákvörðun sinni þau at­vik og sjónar­mið sem ákvörðun byggist á.

 

2.

Í gögnum málsins kemur fram að B starfaði hjá O ehf. tímabilið 30. nóvember 2002 til 12. apríl 2003 er hann sagði sjálfur upp starfi sínu.  Að mati úrskurðarnefndar atvinnuleysisbóta teljast þær ástæður sem kærandi gefur fyrir starfslokum sínum ekki gildar í skilningi 4. tölul. 5. gr. laga um atvinnuleysistryggingar, sbr. 7. gr. reglugerðar nr. 545/1997.   Ágreiningur milli starfsmanna eða yfirmanna og starfsmanna ellegar almenn óánægja í starfi  flokkast ekki undir gildar ástæður samkvæmt framangreindum reglum. Með vísan til framanritaðs er ákvörðun úthlutunarnefndar atvinnuleysisbóta nr. 1 fyrir höfuðborgarsvæðið um niðurfellingu bótaréttar kæranda í 40 bótadaga samkvæmt 4. tölul. 5. gr. laga um atvinnuleysistryggingar nr. 12/1997 staðfest.

 

Úr­skurðar­orð:

 

 

Úrskurðarorð hljóðar svo:  Ákvörðun úthlutunarnefndar atvinnuleysisbóta nr. 1 fyrir höfuðborgarsvæðið frá 5. maí 2003 um að B skuli sæta missi bótaréttar í 40 bótadaga, er staðfest.

 

 

Úr­skurð­ar­n­efnd at­vinnu­leysis­bóta

 

 

Þuríður Jónsdóttir

Formaður

 

Árni Benedikts­son                                Benedikt Davíðs­son

 

 

Til baka