Starfsleitar- og hvatningarnámskeið sérstaklega ætluð ungu fólki

Sterkari til baka

Námskeiðið er ætlað ungum atvinnuleitendum (18-30 ára) og er markmið þess að þátttakendur nái heildarsýn yfir styrkleika sína og hindranir, hvaða áhrifaþættir spila þar inn í og hvað þátttakendur geta gert til að hafa áhrif á þá.

Námskeiðið er kennt tvisvar í viku, tvær klst í senn, í fjórar vikur. Samtals 14 klst.

Námskeiðið fer fram hjá endurhæfingarstöðinni Hæfi í Egilshöll.

Umsjón: Gunnhildur Sveinsdóttir

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

 

Starfsleitarstofa

Á námskeiðinu fara náms- og starfsráðgjafar yfir helstu þætti virkrar og markvissrar atvinnuleitar. Þátttakendur fá tækifæri til að skoða sig og þá reynslu sem þeir búa yfir þar sem kortlögð er færni og persónulegir styrkleikar hvers og eins. Þá setja þátttakendur sér raunhæf markmið þar sem hver og einn skoðar hvert hann vill stefna og hver væru fyrstu skrefin. Farið er yfir helstu vinnumiðlanir, hvernig tengslanetið er virkjað og undirbúning fyrir atvinnuviðtöl. Námskeiðið er tilvalið fyrir alla sem vilja styrkja stöðu sína og hefur margoft sýnt sig að þeir sem undirbúa sig hvað best á þessum tímamótum eru mun fyrri til að finna starf eða nýta sér önnur úrræði sem eru í boði.

Námskeiðið er kennt tvær klst í senn, tvo daga vikunnar í þrjár vikur.

Umsjón: Magnes Ingólfsdóttir og Guðný Gunnarsdóttir.

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Mitt líf mín framtíð

Tilgangur og markmið: Markmið námskeiðsins er að styðja við ungt fólk í atvinnuleit. Valdeflandi áherslur og persónuleg nálgun; að greina áhugasvið, styrkleika, taka ábyrgð og vinna á hagnýtan hátt næstu skref til náms eða starfs. Efnisþættir námskeiðs: Hver er ég og á hvaða leið er ég? Ferilskrárgerð. Þátttakendur vinna vandaða ferilskrá og fá einsaklingsaðstoð við það. Hvernig er hægt að skapa sér tækifæri? Lykilþættir sjálfstrausts. Á hverju hef ég áhuga? Þátttakendur taka áhugasviðskönnun og niðurstöður tengdar við störf og starfssvið. Samantekt og framtíðarmarkmið. Algengar spurningar í atvinnuviðtali ræddar og atvinnuviðtalið æft. Þátttakendur koma með atvinnuauglýsingar/námsumsóknir sem höfða til þeirra og atvinnuviðtalið æft út frá því/næstu skref skipulögð. Einstaklingsmiðuð nálgun.

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Samskipti og sjálfsþekking

Námskeiðið er ætlað ungu fólki sem hvorki er við nám eða störf og stendur á krossgötum í lífinu. Lögð verður áhersla á aukna sjálfsþekkingu, frumkvæði, betri samskiptafærni og sjálfstæði þátttakenda við að meta möguleika og taka ákvarðanir um mótun framtíðar sinnar.

Námskeiðið byggir á ráðgjöf fyrir þá sem vilja móta raunhæfa framtíðarsýn og auka vitund sína um eigin viðhorf, væntingar og hæfileika með það að markmiði að þátttakandinn fái betur notið sín í starfi, námi og leik.

Námskeiðið er 24 klst.

Umsjón:  Andri Tómas Gunnarsson

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Vinnustaðanám

Vinnustaðanám er tækifæri fyrir unga atvinnuleitendur til að fá starfsreynslu og þjálfun hjá fyrirtækjum og stofnunum. Námskeiðið er fyrir ungt fólk á aldrinum 18-29 ára og er samvinnuverkefni Hins Hússins og Vinnumálastofnunar. Námskeiðið er í átta vikur og er þannig uppbyggt að fyrstu fjórar vikurnar koma þátttakendur á undirbúningsnámskeið í Hinu Húsinu. Í fjórðu vikunni er valinn starfsstaður með tilliti til óska þátttakandans, þar sem áhugasvið, menntun og reynsla er höfð til hliðsjónar. Starfsreynslan hefst í fimmtu vikunni og stendur í fjórar vikur. Þegar að starfsstaður er fundinn er gerður samningur við viðkomandi starfsstað og í kjölfarið kynnt verklag á eftirfylgd sem atvinnuráðgjafar Hins Hússins annast.

Námskeiðið er 8 vikur.

Umsjón: Hitt húsið

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Vítamín

Námskeiðið er fyrir ungt fólk á aldrinum 18 til 25 ára. Þátttakendum er veitt aðstoð við að hasla sér völl á vinnumarkaði með ýmsum leiðum. Markmiðið er að styrkja og virkja þátttakendur og aðstoða þá við að finna út hvað þeir vilja gera og hvernig þeir geta framkvæmt það.

Þátttakendur fá aðstoð við atvinnuleit, farið er í fjármálafræðslu, leiðir til að koma hugmyndum í framkvæmd eru skoðaðar, tækifæri erlendis könnuð og margt fleira. Reynt er að bjóða þátttakendum upp á tækifæri til þess að fá reynslu á vinnumarkaði í gegnum starfskynningu, sjálfboðaliðastarf eða með því að vinna að eigin hugmynd í Hinu húsinu.

Námskeiðið er 4 vikur.

Umsjón: Hitt húsið

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Fjölsmiðjan

Fjölsmiðjan er vinnusetur fyrir ungt fólk á aldrinum 16-24 ára. Hér gefst fólki tækifæri til að þjálfa sig fyrir almennan vinnumarkað eða áframhaldandi nám. Vinnutíminn er 8.30 til 15 og fá einstaklingar greiddan verkþjálfunar- og námsstyrk.

Fjölsmiðjan leitast við að vera í góðum tengslum við vinnumarkaðinn og félagsleg úrræði og vera sýnilegur valkostur þegar velja þarf leiðir í lífinu. Fjölsmiðjan leggur áherslu á að þeir nemar sem hafa verið við störf í Fjölsmiðjunni fari þaðan sem sterkari einstaklingar, félagslega, námslega og hæfari á vinnumarkað. Sjá frekari upplýsingar: fjolsmidjan.is

Umsjón: Fjölsmiðjan

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hvað er helst að?

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.

, má bjóða þér að prófa að spjalla við Vinný, nýtt snjallmenni Vinnumálastofnunar?
Vinný snjallmenni