Námskeið

Ef þú ert í atvinnuleit hjá Vinnumálastofnun á Suðurlandi býðst þér að auka möguleika þína á vinnumarkaði með ýmsum úrræðum, m.a. námskeiðum sem eru þér að kostnaðarlausu.

Til að ræða stefnu í atvinnuleit og aðstoð við atvinnuleit, auk möguleika til náms stendur atvinnuleitendum til boða þjónusta ráðgjafa og atvinnuráðgjafa. Ráðgjöfin hvetur einnig til virkrar þátttöku í uppbyggingu á eigin hæfni og hvernig má mæta breyttum aðstæðum.

Námskeiðin sem eru í boði eru fyrir þá atvinnuleitendur sem eru með samþykkta umsókn. Rétt er að benda á að þátttaka ræður hvort af námskeiði verður og því ekki tryggt að námskeið fari af stað.

Minnum á að atvinnuleitendur geta sótt um námssamning samhliða atvinnuleysisbótum og einnig námskeiðsstyrk. Skila þarf inn umsókn áður en námið /námskeið hefst. Nánari upplýsingar á radgjafar.sudurland@vmst.is 

Ef atvinnuleitandi velur að sækja eitt af eftirtölum valnámskeiðum sem greitt er fyrir að fullu á hann ekki rétt á frekari námsstyrk á þeirri önn.

Hér fyrir neðan má nálgast umsóknareyðublað fyrir námsstyrk:

https://www.vinnumalastofnun.is/media/1061/umsokn-um-namsstyrk-mai-20101464625332.pdf

Skráning hjá ráðgjöfum á netfangið:  radgjafar.sudurland@vmst.is

 Athugið að sú meginregla er að atvinnuleitandi fari í vinnumarkaðsúrræði (náms- eða starfsúrræði) innan þriggja mánaða frá skráningu og geta þeir sótt um tiltekin úrræði en auk þess eru atvinnuleitendur boðaðir (skylduþátttaka) í ráðgjöf, námskeið og á fræðslufundi á vegum Vinnumálastofnunar.

Sjálfsefling og styrkleikar

 

Á þessu námskeiði verður leitast við að hafa áhersluna á persónulega verkefnavinnu svo hver og einn líti inn á við og skoði hver séu næstu skref. Fjallað verður um hugtök eins og gildi, þrautsegju, hugrekki, bjartsýni, ábyrgð og viðhorf sem hafa bein áhrif á persónulegan árangur og að hver og einn finni sér leið til að nýta sér betur það sem hún eða hann býr yfir til framfara. NBI huggreining og Via styrkleikapróf verða lögð fyrir hvern og einn. Þau gefa gagnlega innsýn í hvaða svæði hugans viðkomandi tekur fram yfir önnur og hvernig hann eða hún beitir styrkleikum sínum í daglegu lífi.

Hvenær:  mánudaginn 11. febrúar  - 11. mars, frá 13:00-15:00, kennt 2x í viku.Staðsetning: Fræðslunet Suðurlands - Fjölheimum Selfossi.

Næstu skref

 

Á þessu námskeiði verður leitast við að hafa áhersluna á persónulega verkefnavinnu svo hver og einn líti inn á við og skoði hver séu næstu skref. Fjallað verður um hugtök eins og gildi, þrautsegju, hugrekki, bjartsýni, ábyrgð og viðhorf sem hafa bein áhrif á persónulegan árangur og að hver og einn finni sér leið til að nýta sér betur það sem hún eða hann býr yfir til framfara. NBI huggreining og Via styrkleikapróf verða lögð fyrir hvern og einn. Þau gefa gagnlega innsýn í hvaða svæði hugans viðkomandi tekur fram yfir önnur og hvernig hann eða hún beitir styrkleikum sínum í daglegu lífi.

Hvenær: 1. apríl - 10. apríl . 4. skipti, mánud. og miðvikud. frá 13:30-16:00 Staðsetning: Fræðslunet Suðurlands -Fjölheimum Selfossi.

Upplýsingatækni

Námskeiðið er ætlað þeim sem vilja efla almenna tölvuþekkingu sína. Farið er yfir helstu þætti Office-forritanna, s.s. Word, Excel og Power-point, skjalaflokkun í tölvu og skýi og fl. Þá verður farið yfir tækni við almenna upplýsingaleit og skoðaðar ýmsar upplýsingaveitur sem geta nýst bæði til gagns og gamans, notkun snjalltækja s.s. síma og hvernig við getum nýtt þau betur með ýmsum öppum, google, dropbox o.fl.

Staðsetning: Fræðslunet Suðurlands - Fjölheimum Selfossi.

Hvenær: kennt á mánudögum og miðvikudögum 24. apríl. -29. maí., frá 14:15 -16:15

Raunfærnimat í almennri starfshæfni

Á þessari önn býður Fræðslunet Suðurlands upp á : raunfærnimat í almennri starfshæfni, sem snýst meðal annars um að draga fram styrkleika hvers og eins og greina hæfni fyrir þátttöku á vinnumarkaði.

Almenn starfshæfni = sú hæfni (leikni, viðhorf og breytni) sem einstaklingur þarf að búa yfir eða tileinka sér til þess að taka virkan þátt í samfélaginu, vera á vinnumarkaði, þróast í starfi og geta tekið á sig meira krefjandi störf.

 Nánari upplýsingar hjá ráðgjöfum Vinnumálastofnunar.

Hvenær: nánar auglýst síðar.

Skrifstofuskólinn 

Skrifstofuskólinn verður á þessari önn hjá Fræðsluneti Suðurlands. Áhugasamir hafi samband við ráðgjafa Vinnumálastofnunar.

Námið hefst í febrúar og lýkur í maí. Nánari upplýsingar eru á heimasíðu Fræðslunetsins. Um kvöldnám er að ræða.

https://fraedslunet.is/

Þið skráið ykkur með því að senda póst á radgjafar.sudurland@vmst.is

Stökkpallur

Markmið námskeiðsins er að auka starfshæfni og styrkleika einstaklinga. Námskeiðið er ætlað þeim sem eru án atvinnu og vilja virkja þátttöku sína í atvinnulífinu og fá leiðbeiningar hvernig best er að takast á við verkefni á vinnustað með jákvæðu viðhorfi.

Námskeiðið endar með vinnustaðanámi í tvær vikur og er valinn starfsstaður með tilliti til óska þátttakandans, þar sem áhugasvið, menntun og reynsla er höfð til hliðsjónar.

Hvar: Fræðslunet Suðurlands

Frá 28.01.19-16.05.19

Kennt: mán – fim frá 09:00-12:00

Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hvað er helst að?

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.