Alþingi hefur samþykkt breytingu á lögum um atvinnuleysistryggingar sem færir viðmiðunarmörk vegna réttar til 6 mánaða tekjutengdra atvinnuleysisbóta frá september til 1. júní sl. Þetta þýðir það að einstaklingar sem áttu ólokið tekjutengingartímabil í júní, júlí eða ágúst sl. öðlast rétt til sex mánaða tímabils í stað þriggja áður.
Þjónustuskrifstofa Vinnumálastofnunar á höfuðborgarsvæðinu opnar miðvikudaginn 16. desember. Athugið að nauðsynlegt er að bóka tíma í þjónustuver og er einungs tekið á móti einstaklingum sem eiga bókaðan tíma. Hægt er að bóka tíma milli 09:00 - 15:00 mánudaga til fimmtudaga og milli 09:00 – 12:00 á föstudögum.
See English version below - Zobacz wersję polską poniżej -
Þjónustuskrifstofur Vinnumálastofnunar hafa opnað en eru með skertan opnunartíma vegna COVID-19.
Þjónustuverið er opið mán.-fim. frá 9-13 og fös. frá 9-12. Athugið að Þjónustuverið sinnir aðeins þjónustu í gegnum tímabókanir.
Smelltu hér til að panta tíma
See English version below - Zobacz wersję polską poniżej -
Vinnumálastofnun minnir á að frá og með 1. júlí til 31. ágúst verður starfshlutfall að hafa lækkað um 20 prósentustig hið minnsta og launamaður verður að halda a.m.k. 50% starfshlutfalli til að eiga rétt á hlutabótum. Vinnumálastofnun greiðir því í mesta lagi 50% af tekjutengdum atvinnuleysisbótum frá og með 1. júlí, en þær nema í dag 228.202 kr. fyrir heilan mánuð.
Vinnumálastofnun hefur nú lokið tæknilegri útfærslu vegna endurútreiknings á viðmiðunartekjum og geta atvinnuleitendur farið inn á mínar síður og óskað eftir endurúteikningi á viðmiðunartekjur með því að smella á Viðmiðunaratekjur.
Vinnumálastofnun vekur athygli atvinnurekenda sem eru með starfsfólk í minnkuðu starfshlutfalli á að kynna sér breytingar á lögum og skilyrðum hlutabótaleiðar.
Þann 29. maí sl. samþykkti Alþingi að framlengja úrræðið um greiðslur hlutabóta samhliða minnkuðu starfshlutfalli. Vinnumálastofnun vinnur að nauðsynlegum breytingum á tölvukerfum stofnunarinnar vegna þessa. Sett verður tilkynning á vef stofnunarinnar þegar þeirri vinnu er lokið.
Að gefnu tilefni vill Vinnumálastofnun beina því til þeirra atvinnurekenda sem áhuga hafa á að greiða stofnuninni þá fjárhæð sem Atvinnuleysistryggingasjóður hefur innt af hendi vegna samkomulags þeirra við starfsmenn sína um minnkað starfshlutfall, að senda tölvupóst með erindi þess efnis á netfangið: hb.endurgreidsla@vmst.is og verður erindið afgreitt eins fljótt sem kostur er.
Vinnumálastofnun beinir því til atvinnuleitenda í minnkuðu starfshlutfalli að þeir þurfa að skrá sig af atvinnuleysisskrá ef þeim hefur verið sagt upp störfum og/eða ef þeir fara aftur í fyrra starfshlutfall. Sé um uppsögn að ræða ber að skrá sig af atvinnuleysisbótum frá og með þeim degi sem uppsagnarfrestur tekur gildi.
Hægt verður að sækja um greiðslu vegna sóttkví þann 5. maí n.k. Tekið verður við umsóknum rafrænt á vef Vinnumálastofnunar. Til að sækja um greiðslur þurfa umsækjendur að verða sér úti um Íslykil eða rafræn skilríki. Á það bæði við um atvinnurekendur og einstaklinga. Smelltu hér til að nálgast nánari upplýsingar varðandi umsóknarferlið.
Þú hefur skoðað 12 fréttir af 28
