Ef þú ert veikur þarftu að tilkynna veikindi til Vinnumálastofnunar. Þú  telst vera í virkri atvinnuleit þrátt fyrir tilfallandi veikindi í allt að 5 daga samtals. 

Veikindi skal tilkynna á Mínum síðum.

• Tilkynna skal um upphaf og lok veikinda til Vinnumálastofnunar án ástæðulausrar tafar. 

• Heimilt er að nýta 5 daga veikindaréttinn að hámarki í tvennu lagi á hverju 12 mánaða tímabili. 

• Þú  þarft að hafa verið skráður innan kerfisins í samtals 5 mánuði á sama tímabili.  

• Jafnframt skal skila inn læknisvottorði innan viku frá því að veikindum lauk óski Vinnumálastofnun eftir því.

• Veikindi barna: óheimilt er að nýta 5 daga veikindarétt vegna veikinda barna. Komi þau í veg fyrir að þú  getir sinnt virkri atvinnuleit verða ekki greiddar atvinnuleysisbætur fyrir þá daga.