Afgreiðsla umsókna
Þegar umbeðin gögn hafa borist er umsóknin send til Greiðslustofu til afgreiðslu. Umsóknir og gögn eru afgreidd í þeirri röð sem þau berast.
Afgreiðsla umsókna getur tekið um 6 vikur.
Ferli umsókna:
Farið er yfir umsóknir og meðfylgjandi gögn og bótaréttur metinn. Ef ekki er óskað frekari upplýsinga eða gagna frá umsækjanda er umsókn afgreidd og hefst þá greiðsla atvinnuleysisbóta næstu mánaðarmót á eftir sé umsókn samþykkt.
Mikilvægt er að umbeðinn gögn berist sem fyrst svo hægt sé að ljúka skráningu á umsókn og úrskurða um bótarétt. Vegna mikils álags getur tekið um 6 vikur að ljúka við afgreiðslu umsóknar eftir að öll gögn hafa borist.
Ef afgreiðslu er frestað:
Ef það er þörf á frekari upplýsingum og/eða gögnum er afgreiðslu umsóknar frestað og umsækjanda sent bréf frá Greiðslustofu í gegnum mínar síður.
Afgreiðslu umsóknar getur verið frestað meðal annars ef:
Gögn eða upplýsingar vantar, til dæmis:
- staðfestingu starfstímabils, starfshæfnisvottorð,
- staðfestingu um námslok/námstímabil
- eða skýringarbréf vegna starfsloka.
Berist umbeðin gögn og/eða skýringar og andmæli ekki innan tilskilins frests er umsókn afgreidd á grundvelli fyrirliggjandi gagna.
Upplýsingar um stöðu umsóknar í afgreiðsluferli er hægt að nálgast á Mínum síðum undir Stöðu umsóknar.
