Starfsmannaleigur

Upplýsingaskylda

Lög nr. 139/2005 gilda um starfsmannaleigur á innlendum vinnumarkaði og starfsmenn þeirra. Með starfsmannaleigu er átt við þjónustufyrirtæki sem samkvæmt samningi leigir út starfsmenn sína gegn gjaldi til að sinna störfum á vinnustað notendafyrirtækis undir verkstjórn þess síðarnefnda. Starfsmannaleigum sem ekki hafa staðfestu á Evrópska efnahagssvæðinu eða í EFTA ríki er óheimilt að veita hér þjónustu án staðfestu nema samningar sem Ísland á aðild að heimili slíkt.

Hver sá sem vill veita starfsmannaleiguþjónustu hér á landi, innlendur sem erlendur,  skal tilkynna um það til Vinnumálastofnunar eigi síðar en sama dag og starfsemin hefst í fyrsta skipti.

Hyggst starfsmannaleiga veita þjónustu hér á landi samtals lengur en tíu virka daga á hverjum tólf mánuðum skal Vinnumálastofnun veitt upplýsingar um starfsmenn sem munu starfa hér á landi, upplýsingar um dvalarstað og dvalartíma, nafn og kennitölu notendafyrirtækisins  o.fl.

Starfskjör

Starfsmaður starfsmannaleigu skal á þeim tíma sem hann sinnir störfum fyrir notendafyrirtæki að lágmarki njóta sömu launa og annarra starfskjara og hann hefði notið ef hann hefði verið ráðinn beint til notendafyrirtækisins til að gegna sama starfi. Vinnumálastofnun kallar ávallt eftir ráðningarsamningum til að tryggja starfskjör þessara starfsmanna. Stofnunin mun einnig ávallt athuga hvort starfskjör standist íslenska kjarasamninga.

Fulltrúi

Starfsmannaleiga sem veitir þjónustu á Íslandi samtals lengur en tíu virka daga á hverjum tólf mánuðum skal hafa fulltrúa hér á landi. Fulltrúinn getur verið einn af þeim starfsmönnum starfsmannaleigunnar sem starfa hér á landi. Fulltrúi fyrirtækisins kemur fram fyrir hönd þess og ber ábyrgð á að veita stjórnvöldum upplýsingar samkvæmt lögum.

Notendafyrirtæki

Notendafyrirtæki ber að óska eftir skriflegri staðfestingu um að starfsmannaleiga hafi sinnt tilkynningarskyldu sinni til Vinnumálastofnunar.

Hafi starfsmaður áður starfað hjá notendafyrirtæki er óheimilt að leigja hann út til þess fyrirtækis fyrr en að sex mánuðum liðnum.  Þá er starfsmannaleigu óheimilt að takmarka rétt starfsmanns sem leigður hefur verið til notendafyrirtækis til að stofna síðar ráðningarsamband við það fyrirtæki.

Skráðar starfsmannaleigur

Eftirtalin fyrirtæki eru skráðar starfsmannaleigur skv. lögum nr. 139/2005 um starfsmannaleigur:

skráðar starfsmannaleigur þann 11.apríl 2018

Nordic Workforce ehf. 780817-1110
Osauhing Rengrupp  
GSC Verktakar ehf 531271-1520
Iceland Recruitment ehf  670715-0780
Arctic B C Iceland ehf 461217-0360
Ztrongforce ehf 641017-0270
Vigas ehf. 470617-1790
Menn í vinnu ehf 690598-3379
Rubik Solutions ehf 430216-0820
Sterkafl ehf 660417-1760
SIA Komforts3  
AD Verktakar ehf 700816-1330
Staff Connections ehf 711016-0660
SG Bygg ehf 550607-0770
UAB Selectant  
BKS Industri AS  
Handafl ehf.  590811-1220
Concretum Iceland ehf 460416-0190
IRC ehf 560616-0150
GEODATA Projekt d.o.o  
Norbygg ehf 520416-0990
Cooley Food Consultants  
YABIMO ehf 650116-0380
Verkleigan ehf 440316-0850
Elja ehf 501115-0960
Grandaverk ehf.  590115-1180
Íslensk verkmiðlun ehf.  500615-1250
Valbjörg ehf. 600303-2360
TuCon Iceland ehf 640608-0990
Marti Contractors Ltd.  
Marti Gmbh  
 
Hunang vefstofa Merki Hunang vefstofu