Sumarstörf námsmanna 2021
Stjórnvöld ætla að verja um 2,4 milljörðum króna í í átaksverkefni til að fjölga tímabundnum störfum fyrir námsmenn í sumar. Stefnt er að því að til verði um 2.500 störf fyrir námsmenn 18 ára og eldri.
Vinnumálastofnun stýrir átakinu sem efnt er til í samvinnu við stofnanir ríkisins, sveitarfélög og félagasamtök. Hverjum námsmanni sem ráðinn er í gegnum þetta úrræði fylgi styrkur sem nemur að hámarki 472 þúsund krónur auk framlags í lífeyrissjóð. Ráðningartími er tveir og hálfur mánuður. Unnið er nú að undirbúningi átaksins og verða nánari upplýsingar veittar síðar.
