Tvær tilkynningar um hópuppsagnir bárust Vinnumálastofnun í febrúar þar sem 287 starfsmönnum var sagt upp störfum í verslun og flutningum flestum á höfuðborgarsvæðinu 259 og 28 á Norðurlandi eystra. Uppsagnirnar taka flestar gildi í júní.
Almennt atvinnuleysi var 11,6% í janúar og jókst úr 10,7% í desember. Vegna Covid-19 faraldursins er gert ráð fyrir að talsverð fækkun verði á vinnumarkaði á fyrstu mánuðum ársins 2021 frá árinu 2020. Vinnuaflstalan að baki atvinnuleysisútreikningum lækkar því nokkuð frá því í desember, sem skýrir allnokkra hækkun atvinnuleysis þrátt fyrir að atvinnulausum fjölgi ekki að ráði. Meðalfjölgun atvinnulausra var þannig 527 í janúar. Sjá nánar:
Þjónustuskrifstofur Vinnumálastofnunar munu opna um land á næstu dögum en panta þarf tíma áður en mætt er.
Engar tilkynningar um hópuppsagnir bárust Vinnumálastofnun í janúar.
Opnað hefur verið fyrir umsóknir vegna endurgreiðslna til íþróttafélaga á vef Vinnumálastofnunar en stofnuninni var falið af hálfu félags- og barnamálaráðherra að sjá um framkvæmd laga nr. 155/2020 um greiðslur vegna launakostnaðar og verktakagreiðslna á tímum kórónuveirufaraldurs.
Vinnumálastofnun tekur þátt í Nýsköpunardeginum sem fer fram 21. nóvember. Það eru margir spennandi fyrirlestrar eða Nýsköpunarmolar, þar sem opinberir vinnustaðir segja frá spennandi verkefnum sem hrint hefur verið í framkvæmd á liðnu ári. Vinnumálastofnun ætlar að segja frá Innleiðingu á snjalmenninu Vinný.
Almennt atvinnuleysi var 10,7% í desember og jókst úr 10,6% í nóvember. Atvinnuleysið var 9,9% í október, 9,0% í september og 8,5% í ágúst. Vinnumálastofnun spáir því að almennt atvinnuleysi aukist í janúar og verði á bilinu 11,3% til 11,7%. Atvinnuleysi tengt minnkuðu starfshlutfalli var svipað í desember og í nóvember eða um 1,4% en fækkaði um 340 frá nóvember.
Félagsmálaráðuneytið, Vinnumálastofnun og Háskóli Íslands hafa undirritað með sér þríhliða samstarfssamning til þriggja ára vegna frekari rannsóknar á sviði fæðingarorlofs. Það eru þau Guðný Björk Eydal, prófessor í félagsráðgjöf, og Ingólfur V. Gíslason, prófessor í félagsfræði, sem munu stýra rannsókninni sem ber heitið Taka og nýting á fæðingarorlofi.
Framlenging hlutabótaleiðar
Þrjár tilkynningar um hópuppsagnir bárust Vinnumálastofnun í desember 2020 þar sem 137 starfsmönnum var sagt upp störfum, 94 í menningar, íþrótta og tómstundastarfsemi, 32 í iðnaði og 11 í flutningastarfsemi. Uppsagnirnar koma allar til framkvæmda í apríl 2021.
