Frumkvæði

Frumkvæði er úrræði  Vinnumálastofnunar  fyrir þá sem eru á skrá og vilja skapa sér eigið starf og fara út í eigin rekstur.

Í úrræðinu eiga atvinnuleitendur kost á fræðslu og leiðsögn til að kanna möguleika og tækifæri á að búa til eigið starf.  Þátttakendur kanna þörf fyrir væntanlega þjónustu eða vörur sínar á markaði og gera viðskiptaáætlun um viðkomandi verkefni til að meta hvort verkefnið er raunhæft og hvað þurfi til svo að unnt sé að búa til starf.

Umsóknarfrestur í Frumkvæði

Næsti umsóknarfrestur í Frumkvæði er til og með 20.maí næstkomandi og munu umsóknir verða afgreiddar í lok maí. 

 Næsti umsóknarfrestur í Frumkvæði eftir sumarleyfi er 1.ágúst.


Forsendur atvinnuleitanda fyrir þátttöku í úrræðinu Frumkvæði

Að umsækjandi eigi rétt á atvinnuleysisbótum og búið sé að úrskurða um það, þ.e. að umsækjandi sé sannanlega tryggður innan atvinnutryggingakerfisins og eigi a.m.k. 6 mánuði eftir af bótarétti sínum.

Að viðskiptahugmyndin sé talin líkleg til að skapa atvinnuleitanda framtíðarstarfi að mati ráðgjafa.

Að atvinnuleitandi sé reiðubúinn að kynna sér rekstur og stofnun fyrirtækja.

Að atvinnuleitandi sé ekki með opna launagreiðendaskrá eða rekstur á eigin kennitölu þegar sótt er um Frumkvæði – þróun eigin viðskiptahugmyndar.

Að umsækjandi greini satt og rétt frá högum sínum. Rifta má samningi ef atvinnuleitandi greinir ekki rétt frá högum sínum, verði breyting ástöðu umsækjanda eða ekki eru taldar líkur á að verkefnið skili tilætluðum árangri. Áður en samningi er rift skal atvinnuleitanda gefinn kostur á að koma á framfæri við Vinnumálastofnun mati sínu á árangri verkefnisins.

Sé umsækjandi þátttakandi í öðru úrræði sem stangast á við verkefnið s.s. starfsþjálfun/reynsluráðning eða ef íþyngjandi ákvörðun er í kerfinu s.s. bið vegna uppsagnar, er heimilt að hafna umsækjanda. 

Lengd úrræðis

Fræðslan stendur yfir í þrjá mánuði og fá þátttakendur aðgang að fræðsluefni á vefnum um gerð viðskiptáaætlana. Fræðsluefnið er í formi fyrirlestra á netinu, þeir eru á íslensku en hver þáttur er textaður á ensku.

Ennfremur fá þátttakendur handleiðslu og ráðgjöf einu sinni í viku, frá handleiðara og frá starfsfólki Frumkvæðis þar sem meðal annars er farið í viðskiptaáætlanir, kynningar, fyrirtækjaform og ferlið að stofna fyrirtæki.

Um er að ræða vinnustofu eða fyrirtækjasmiðju þar sem þátttakendur hittast á viku fresti í 12 skipti. Þátttakendur skuldbinda sig til að mæta í fyrirlestra einu sinni til tvisvar í viku, taka virkan þátt, vinna að viðskiptaáætlun sinni jafnt og þétt og kynna hana fyrir hópnum. Kynningarnar samanstanda af einni 1 mín lyfturæðu, fjórum 1mín stöðuskýrslum og tveimur 5mín fjárfestakynningum með glærum. Mikil áhersla er á jafningjafræðslu, að þátttakendur gefi hver öðrum endurgjöf eftir kynningarnar.

Í lokin skal skila 6-12 bls viðskiptaáætlun á word formi til handleiðara sem gefur umsögn um hana og þátttöku í verkefninu.

Fræðsla og handleiðsla

Fræðslan stendur yfir í þrjá mánuði og fá þátttakendur aðgang að lokuðu vefefni um gerð viðskiptáaætlana auk þess sem þeir fá handleiðslu og ráðgjöf einu sinni í viku, frá handleiðara og frá starfsfólki Frumkvæðis.  

Veffræðslan er í formi fyrirlestra á netinu, þeir eru á íslensku en hver þáttur er textaður á ensku.

Þátttakendur skuldbinda sig til að mæta í fyrirlestra einu sinni í viku, taka virkan þátt,  vinna að viðskiptaáætlun sinni jafnt og þétt og taka þátt í kynningum á verkefnum sínum þegar þess er krafist.

Eftir þrjá mánuði þurfa þáttttakendur að skila inn viðskiptaáætlun til Vinnumálastofnunar sem kallar þá á fund til að fara yfir áætlunina, stöðu verkefnis og framhald þess.

Lok verkefnis

Þeir sem fá samþykkta 6 mánuði þurfa í  lok verkefnis að skila inn lokaskýrslu  og mæta á lokafund hjá ráðgjöfum Frumkvæðis. Þar þurfa þeir einnig að staðfesta hvort farið sé alfarið af skrá og í vinnu hjá fyrirtækinu, farið í hlutastarf eða hætt við hugmyndina.

Ef hætt er við viðskiptahugmyndina eða í verkefninu þarf að skrifa undir staðfestingu um að viðkomandi muni ekki hefja rekstur án tilkynningar til Vinnumálastofnunar.

Smelltu hér til að nálgast staðfestingu

Umsóknarferli

Tekið er á móti umsóknum á rafrænan hátt í Frumkvæði frá 1. til 30/31 hvers mánaðar.  Umsóknir eru metnar og afgreiddar fyrir 15 næsta mánaðar og fá allir umsækjendur tölvupóst um afgreiðsluna.

Að öllu jöfnu hefst fræðslan í þarnæsta mánuði, sem dæmi: umsóknir september mánaðar eru afgreiddar í október og hefst þá fræðslan í nóvember.

Atvinnuleitendur þurfa að staðfesta atvinnuleit á hefðbundinn hátt er eru samt undanþegnir atvinnuleit á meðan á verkefni stendur og er reynt er á viðskiptahugmyndina.

Umsókn í Frumkvæði

Hægt er að senda fyrirspurnir á ráðgjafa Frumkvæðis á netfangið:  frumkvaedi@vmst.is


Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hvað er helst að?

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.

Hæ, Vinný hér! Hvernig get ég aðstoðað?
Vinný snjallmenni