Davis lesblinduleiðrétting sem er um 30 klst langt er einstaklingsnámskeið. Það hentar einstaklingum sem glíma við lesblindu, skrifblindu, stærðfræðiblindu ADD og ADHD og eða sértæka námserfiðleika.

Á námskeiðinu er farið ítarlega yfir þá erfiðleika sem nemandinn glímir við og hann lærir æfingar og aðferðir sem nýtast t.d. til að ná fullri athygli, slökun, jafnvægi, og aukinni lestrarfærni. Mikil áhersla er lögð á að efla orðaforða, sjálfstraust og færni. Námskeiðið er að mestu verklegt og mikil áhersla er lögð á þrívíða vinnu. Það hefur reynst öflugt tæki til að auka námsfærni og trú á eigin getu.  Öll námsgögn eru innifalin í verði námskeiðsins ásamt eftirfylgni þar sem nemandi gefst kostur á að mæta einu sinni í viku í áframhaldandi vinnu með leiðbeinanda. Viðtalstímar eru eftir samkomulagi.

Kennari  á námskeiðum  er Gígja Baldursdóttir  sérkennari og viðurkenndur Davis® – lesblinduráðgjafi. Fagþjónustu undir nafni Davis®; Davis® lesblinduleiðréttingu, Davis® táknmeistrun, Davis® athyglisþjálfun, og Davis® stærðfræðimeistrun, mega þeir einir veita sem lokið hafa þjálfun og fengið leyfisbréf  Davis Dyslexia Association International. http://www.dyslexia.com/

Skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Atvinnuleitendur hafa kost á að fara í starfsþjálfun hjá Fjölsmiðjunni. 

Skráning á námskeið fer fram í gegnum netfangið: namskeidhb@vmst.is

Mikilvægt er að fram komi heiti námskeiðs, nafn og kennitala þátttakanda.

Fjölsmiðjan er vinnusetur fyrir ungt fólk. Markmiðið er að gera nema Fjölsmiðjunnar hæfari á vinnumarkaði. Áhersla er lögð á að styrkja félagslega færni og þroska námsgetu. Nemar sem hafa fengið þjálfun hjá Fjölsmiðjunni fara flestir í vinnu á almennum vinnumarkaði eða hefja nám. Fjölsmiðjan sinnir mikilvægu hlutverki þegar þörf er félagslegum úrræðum fyrir unglinga. Byggt er á góðu samstarfi við atvinnulífið, félagsþjónustu sveitarfélaganna og aðra aðila sem vinna að málefnum ungs fólks.

Hentar vel þeim sem vilja meta stöðu sína gagnvart vinnumarkaði eða námi.

• Þeir sem þurfa að auka daglega virkni  
• Þeir sem eru að stefna á nám en hafa verið lengi frá námi  

• Almennir atvinnuleitendur  
• Langtímaatvinnulausir  
• Fólk með skerta starfsgetu  
• Þeir sem vilja vera í litlum hóp með einstaklingsmiðaða nálgun  

Lýsing á þjónustu: 

Um er að ræða þjónustu í 1-2 mánuði. Þátttaka einstaklings telst fullnægjandi ef honum tekst meðal annars að mæta og taka þátt í þjónustu sem nemur 12-15 tímum á viku. Alltaf hægt að koma inn í hóp ef það er laust pláss. Að auki einstaklingsviðtöl við iðjuþjálfa, kennara og ráðgjafa Hringsjár.  

Innihald/uppbygging brautar: 

Verkefnavinna, tölvunotkun, tölunotkun, valdefling, sjálfsstyrking, mat á færni,  geðrækt og hreyfing t.a.m. jóga. Dagskráin miðar að því að styrkja sjálfsmynd þátttakenda og stuðla að jákvæðu viðhorfi til náms eða starfs. Nálgun er einstaklingsmiðuð og efnistök fjölbreytt.    

Lengd: 

1-2 mánuðir, 12-15 stundir á viku. 

Staðsetning: 

Hringsjá, Hátúni 10d, 105. Reykjavík 

Skráning á námskeið fer fram í gegnum netfangið: namskeidhb@vmst.is 

Mikilvægt er að fram komi heiti námskeiðs, nafn og kennitala þátttakanda. 

Atvinnuleitendur hafa kost á að skrá sig á námskeið hjá Hringsjá. Athugaðu að  skráning á námskeið fer fram í gegnum netfangið namskeidhb@vmst.is Mikilvægt er að fram komi heiti námskeiðs, nafn og kennitala þátttakanda.

Smelltu hér til að sjá námskeið hjá Hringsjá 

Til viðbótar við námskeið sem Vinnumálastofnun skipuleggur býðst atvinnuleitendum styrkur til að taka þátt í viðurkenndum námskeiðum að eigin vali. Námskeiðin þurfa að vera í samræmi við náms- og starfsferil einstaklings og/eða talin styrkja stöðu og möguleika viðkomandi á vinnumarkaði. Námsstyrkurinn nemur 75% af námskeiðsgjaldi en getur þó aldrei orðið hærri 80.000 á ári. Námsstyrkur Vinnumálastofnunar hefur ekki áhrif á rétt atvinnuleitanda á námsstyrk frá stéttarfélagi viðkomandi. Umsóknir um námsstyrki eru afgreiddar á sérstökum fundum og er ekki sjálfgefið að allar umsóknir séu samþykktar.

Nauðsynlegt er að fylla út umsókn um námsstyrk sem er á þessum hlekk:

https://vinnumalastofnun.is/radgjof-og-thjonusta/nam-og-namskeid/namsstyrkir